![24](https://pedijatar.mk/wp-content/uploads/2024/07/24-1-696x464.jpg)
Помалку време пред екранот значи помалку лошо однесување. Во рок од само две недели, родителите би можеле да забележат значителни подобрувања во менталното здравје и однесувањето на нивните деца доколку почнат да поминуваат само три часа неделно пред екраните, покажува новото истражување објавено во JAMA Network Open.
Децата поминуваат во просек од седум до осум часа дневно пред екраните за забава. Меѓутоа, кога децата драстично го намалиле времето пред екран, покажале значителни подобрувања во општото однесување и емоционалната благосостојба.
Истражувачите од Универзитетот во Јужна Данска анализирале податоци собрани од 89 семејства со 181 дете и адолесцент на возраст меѓу четири и 17 години.
Од половина од семејствата било побарано да го ограничат слободното време пред екран на нивните деца на не повеќе од три часа неделно, што е голема промена од просечните седум до осум часа дневно. Оние кои го сториле тоа тврдат дека нивните деца подобро реагирале на емоциите и стресот и дека нивното просоцијално однесување се подобрило.
Со други зборови, намалувањето на времето поминато на екранот им помогнало на децата подобро да ги процесираат своите емоции и да ги подобрат своите социјални интеракции.
Екраните го зголемуваат ризикот од невроразвојни нарушувања
Претходно истражување, објавено во списанието JAMA Pediatrics, покажало дека на децата треба да им се забрани време пред екран до тригодишна возраст, бидејќи тоа може да доведе до доцнење во развојот. Истражувачите од Универзитетот Дрексел открија дека бебињата и малите деца кои гледаат екрани имаат поголема веројатност да покажат атипични сетилни однесувања поврзани со невроразвојни нарушувања, како што се аутизм и нарушување на вниманието/хиперактивноста (АДХД).
Истражувачите, исто така, откриле дека времето кое на бебињата им е дозволено да го поминуваат пред екран и нивната возраст директно влијае на нивниот развој. Секој час дневно поминување на екран ја зголемувала шансата на детето да доживее сензорни проблеми за 23% на 18 месеци, но паднла на 20% на 24 месеци. Единствен исклучок е видео разговорот – бидејќи социјалните интеракции се корисни за развојот на детето.