Здравите односи со децата се клучни за нивниот раст и развој. Сепак, родителството е напорно, а родителите понекогаш може да ги занемарат овие врски поради модерниот и брз начин на живот. Советникот и терапевт Ерин Лејба за Psychology Today открива десет лесни начини за брзо поврзување со децата .
- Кажете љубезен збор и прегрнете ги децата кога ќе се разбудат.
- Читајте им на децата десет минути неколку пати неделно.
- Дозволете им да останат будни 20 минути подолго за да гледаате емисија што и двајцата ја сакате еднаш неделно.
- Водете дневник за благодарност заедно. „Секоја вечер запишете нешто за што сте благодарни или нешто добро што се случило тој ден“, советува Лејба.
- Разговарајте за спорт (ако ги интересира): кој игра, кој ќе победи итн.
- Дозволете им на децата да изберат „излегување“ за вас двајца од три опции (на пр. одење на прошетка, одење на колачи, одење во кино итн.)
- Седнете на подот и играјте со нив 20 минути.
- Секој ден изнесете ги на прошетка, возете тротинет, велосипед или слично.
- Испечатете фотографија од вас и вашите деца, ставете ја во рамка и подарете им ја.
- Дозволете им еднаш во неделата да ви помогнат да приготвите вечера.
