Протеините обезбедуваат важни есенцијални аминокиселини кои придонесуваат за менталното и физичкото здравје на детето. Како што предупредуваат педијатрите, доколку детето не внесува доволно протеини од исхраната, тоа може да доведе до посериозни несакани ефекти. Всушност, овој есенцијален макронутриент е толку важен за децата што влијае на секој дел од нивното тело.
Но, како да препознаете дека на детето му недостасуваат протеини?
Експертите тврдат дека постојат неколку знаци кои јасно укажуваат на тоа дека детето не добива доволна количина на протеини од неговата секојдневна исхрана, односно намирниците што ги консумира.
Тие знаци се:
- Забавен раст
- Слаб имунитет
- Проблеми со концентрацијата
- Болки во коските или зглобовите
- Глад
- Чувство на постојан замор
- Бавно зараснување на раните
- Намален развој на мускулите
- Кршливи нокти
- Опаѓање на косата
Иако овие симптоми не треба веднаш да значат дека детето има проблеми со недоволно внесување протеини, педијатрите предупредуваат дека родителите треба да ги однесат на лекар, кој потоа ќе утврди зошто всушност се случуваат споменатите појави.
