Децата на возраст од 6 до 10 години имаат потреба од околу 10 до 11 часа сон, но факт е дека децата на овие години денес, не спијат толку. Покрај сите останати разлики кои се забележуваат во однос на децата од пред една или две генерации, децата денес спијат многу помалку.
Последиците на недоволно сон не се само лошо расположение, нервоза, како и одраз на способноста за концентрација и учење. Ваквата пракса на недоволно часови сон води и кон склоност за обезност, слабеење на имуниот систем и може да има сериозни последици по здравјето на детето.
На оваа возраст детето веќе тргна на училиште и откако ќе помине периодот на прилагодување на новиот начин на живот, било после распустот или завршување на градинка, тоа почнува постепено да го зголемува бројот на училишни обрвски, спортски активности и останати социјални дружења. Добар дел од времето, децата денес го минуваат пред телевизор или на компјутер и мобилен телефон.
Дополнително на ова е и консумирањето нездрава брза храна и газирани сокови богати со кофеин кои и тоа како влијаат на успивањето и квалитетот на сонот. Родителите на оваа возраст немаат целосна контрола на нивната исхрана, оти детето често е во можност само да избира што ќе јаде, и под влијание на околината и рекламите почнува да внесува нездрава храна.
Она што е значајно е да му помогнтее на детето да ги зачува добрите навики. Бидете упорни во одржувањето на неговиот ритам на редовно спиење и придржување на одреден распоред.
