Не се знае кому е потешко – на младите родители кои штотуку ја истуркале првата година со детето или на паровите кои добиле второ бебе, па упорно го споредуваат со првото. И едните и другите се борат со стравови, дилеми и прашања дали детето им доцни во развојот за врсници или во однос на постарите браќа или сестри, дали веќе требало да прооди, да прозбори или само да јаде, заборавајќи дека некои деца едноставно не вклопуваат во шаблоните.
Ако и вас ме мачат слични маки, утешете се дека не сте првите кои низ тоа минуваат.
Се грижите оти не проодело
Некои деца првите чекори ќе ги напарават на осум месеци, а некои дури на 15 уште активно ќе ползат, бидејќи така им е полесно и побрзо или затоа што се уште не се досетиле во освојување на светот да тгрнат на две нозе. Повеќето родители ќе почнат сериозни да се загрижуваат и да бараат помош занемарувајќи ги останатите детски достигнувања во кои доминира над врсниците. Некои деца на оваа возраст ќе кажуваат први реченици, ќе радт коцки, правилно ќе држат лажица или боичка, но нема да одат, што на родителите треба да им биде доволен доказ да се опуштат.
СОВЕТ ЗА НЕТРПЕЛИВИТЕ РОДИТЕЛИ: Направете им безбедно и стимулативно опкружување за првите чекори, ширете ги рацете и викајте ги да дојдат до кај вас, шетајте ги така што ќе ги држите за рачиња.
Се грижите оти уште не прозборело
Умирате од желба детето да ви се обрати со мама или тато, се надевате дека наскоро ќе каже “дај“ или “не сакам“, оти има веќе 12 месеци, но тоа не сака ни да гукне. Да не се лажеме, ова ги загрижува сите родители, но логопедите за нив имаат добри вести.
“Денешните деца се поподоцна прозборуваат, но често се случува во еден момент зборовите од нив незапирливо да тргнат, па не грижете се“, порачуваат стручњаците.
Тоа најчесто се случува кај деца кај кои ппкружувањето им “чита мисли“ и им ги исполнува претпоставените барања, но и кај бебињата кои имаат одлично развиена невербална комуникација.
СОВЕТ ЗА НЕТРПЕЛИВИТЕ РОДИТЕЛИ: Читајте им, раскажувајте им приказни, обраќајте им се што и да правите, именувајте предмети и активности, пејте им…
Се грижите оти не јаде само
Додека повеќето деца можат самостојно да држат лажица и вилушка на 15 месеци, на некои деца им недостасува спретност за оваа вештина, некои се незаинтересирани за тоа, а на некои повеќе им се допаѓа да јадат со прсти. Во некои случаи, велат педијатрите, виновни се исклучиво родителите кои на децата не им нуделе прибор за јадење, за да не мораат да вадат грашок од косата, флеки од кашичките по ѕидовите и завесите, или затоа што немаат време, заборавајќи дека без вежбање ништо не може да се научи.
СОВЕТ ЗА НЕТРПЕЛИВИТЕ РОДИТЕЛИ: Ставете му на детето лажичка во рацете и помогнете му да ја принесе до уста, но не го силете ако не сака да се обиде. Доближете го неговото столче до масата додека семејство јаде, така што ќе почне да ве имитира, па на крај ќе научи да јаде само.
