Децата во својот постојан развој, како физички, така и когнитивен, минуваат низ различни фази. Тоа лесно може да се види преку нивната исхрана. Храната која некогаш му била омилена на детето, сега одбива да ја јаде и бара нешто друго.
Една од целите на родителите е здравата исхрана на детето. Јаде ли доволно, му недостасуваат ли витамини, минерали, влакна? Проблем е кога родителите ќе видат дека детето ги одбива понудените оброци и се повеќе се намалува листата на намирници кои детето сака ги јаде.
Секако дека намалување на апетитот се јавува речиси кај сите деца и ретко кој родител ќе го избегне тоа, затоа не треба секогаш да се дига паника. Но, ако детето упорно одбива храна и апетитот му е со полош, тогаш задолжително треба да се посоветува со лекар.
КАКО ДА РЕАГИРАТЕ?
Лекарот секако треба да го прегледа детето и да исклучи дека станува збор за болест. Промената на навиките е долг и напорен процес. На детето треба да му ограничат било какви грицки и намирници богати со шеќер, особено газирани пијалаци и брза храна.
Треба да се има предвид дека децата имаат и помал желудник и не може да очекувате дека тие ќе јадат многу.
Можете и еден поголем оброк да го поделите на два помали. Готвени оброци, заедничко јадење, шарена и привлечна храна, секако се добар пат. Не е на одмет да набавите и шарен прибор и ако времето тоа ви го дозволува, повремено да ја аранжирате храната на интересен и духовит начин за целиот тој процес да го напаравите позабавен. И детето може да ви помогне во тоа. Не само што ќе се забавува, туку и со апетит ќе го изеде јадењето во чија подготовка самото учествувало. Постојаното принудивање и терање на децата само да јадат и да јадат, нема да има никаков позитивен ефект. Кога се зборува за лош апетит, не смее да се заборави и на телесната активност. Спорт, трчање со топка и играње во парк на децата ќе им ја зголеми потребата за енергија, а со самото тоа и за храна.
