Мајката Кејт Срфс објаснила дека децата со мајките најлошо се однесуваат, бидејќи мајките се нивното засолниште и место каде што можат да дојдат со сите нивни проблеми и емоции. Колку и да ви се чини фрустрирачки, Кејт советува во такви ситуации да му создадете безбеден простор на вашето дете и да му дозволите да се однесува природно бидејќи тоа му е важно. Следниот пат кога ќе се најдете во оваа ситуација обидете се да направите нешто од предложеното и не заборавајте дека тоа што вашите деца со вас може да бидат целосно свои, зборува за тоа колку сте добра мајка.
- Најдете мир во себе
Ако сакате вашите деца да научат емоционална контрола, вие треба да им дадете пример. Едно истражување од 2018 година открило дека децата чии мајки имаат повисоко ниво на емоционална контрола се однесуваат подобро.
Кога ќе почувствувате наплив на бес, направете го она што му го советувате вашето дете, избројте до десет, дишете. Децата лесно се закачуваат на стресот на родителите, па ако им се чини дека губите контрола, ќе претпостават дека нешто лошо се случува, па и тие бурно ќе реагираат бурно.
- Дајте му на детето чувство на контрола
Сетете се секој пат кога сте чувствувале бес и ќе сфатите дека повеќето од овие ситуации биле предизвикани од губење на контролата. Истата причина поттикнува тантруми и кај вашето дете. Децата се бунат затоа што не можат да го добијат тоа што го сакаат и не се разгалени поради тоа, туку се работи за губење контрола и неразбирање зошто нешто не им е дадено.
Двегодишно дете не разбира дека некоја играчка е премногу скапа, но само знае дека му се допаѓа и дека ја сака. Не сфаќа зошто е важно да изеде зеленчук, а слатко може да добие само понекогаш, кога нему му е повкусно благото од зеленчукот. Иако секогаш не може да го добијат тоа што го сакаат, може да им ја вратите контролата така што ќе ги вклучите во изборот на намирници при пазарување. Ќе им понудите да изберат помеѓу два вида јаболки, јогурт, млеко.
- Пренасочете го детското внимание
Кога ќе се случи тантрум, обидете се да останете смирени бидејќи со викање можете да го постигнете само спротивното од она што го сакате. Фокусирајте го вниманието на вашето дете на нешто друго. Покажете му некој необичен предмет, појава или кажете нешто смешно, сменете го гласот. Важно е да не му се смеете во ниту еден момент, туку детето да се смее со вас.
- Имајте реални очекувања
Пред сè, секогаш настојувајте да имате реални очекувања од детето. Истражувањата потврдиле дека преголемите очекувања на родителите негативно влијаат на децата. Децата не треба да се третираат како мали возрасни луѓе..
Стручњаците ги советуваат родителите малку подобро да се запознаат со развојната психологија на детето, да прочитаат квалитетна книга на оваа тема бидејќи познавањето на основите може да им помогне полесно да се справат со тантрумите.
