Вашето дете мирно спие, а потоа одеднаш, среде ноќ, се буди со интензивен, драматичен плач? Оваа ситуација е многу стресна за родителите бидејќи тие не знаат како да му помогнат на детето, но д-р Дебора Лин Дукаин, педијатар и експерт за нарушувања на сонот кај децата, објаснува за што се работи.
Постојат неколку причини за ненадејни ноќни будења, а една од причините се „ноќен терор“, кој е сличен на месечарењето, но е подраматичен и честопати се поврзува со недостаток на сон кај децата, вели таа за „Baby Centre“.
Кај децата кои вообичаено немаат проблеми со спиењето, причините за будењата среде ноќ може да бидат болест, скокови во развој или анксиозност поради одвојување (мама оди на работа, тргнување во градинка итн.)
Што да направите кога детето ќе се разбуди врескајќи
Кога детето одеднаш ќе се разбуди ноќе со драматичен плач, одете кај него. Сепак, не треба прво да го правите она што повеќето родители го пробуваат: не треба да го смирувате и воопшто да му се обраќате бидејќи може да се случи детето да се вознемири и да ве оттурне, да се збуни и дезориентира.
Исто така, не треба да се обидувате да го разбудите детето, туку само да бидете со него за да се погрижите да не се повреди додека не помине нападот на плачење.
Друга причина зошто детето може ненадејно да се разбуди во текот на ноќта, покрај плачењето, може да бидат и ноќни мори или кошмари. Тоа не е ретко кај децата бидејќи фантазијата кај децата се развива, па ситуациите доживеани во текот на денот, помешани со имагинацијата, можат да предизвикаат такви соништа. Доколку детето има кошмари, по будењето треба да отидете кај него за да го смирите. Ако детето тоа го побара и сака, можете да останете со него додека повторно не заспие.
Не грижете се ако детето не сака да ви раскаже за неговиот вознемирувачки сон. Можно е да не може со зборови да ви објасни што точно сонувало.
Други причини за ноќно будење
Исто така, постојат и некои други причини зошто детето може одеднаш да се разбуди ноќе плачејќи. Особено кај децата кои вообичаено немаат проблеми со спиењето, причините може да бидат болест, скокови во развој или анксиозност поради одвојување (мама оди на работа, тргнување во градинка итн.).
Што да направите
Доколку се работи за болест, се разбира, единственото нешто што можат и треба да направат родителите е да го одведат детето на лекар и да се погрижат да добие соодветна грижа.
Друга причина зошто детето може ненадејно да се разбуди во текот на ноќта, покрај плачењето, може да бидат и ноќните мори или кошмари. Тоа не е ретко кај децата бидејќи фантазијата кај децата се развива, па ситуациите доживеани во текот на денот, помешани со имагинацијата, можат да предизвикаат такви соништа
Кога станува збор за скок во развој или анксиозност, најпрво утврдете дали детето спие доволно во текот на денот. Спротивно на популарното верување, колку помалку детето спие во текот на денот, толку е помала веројатноста да спие мирно ноќе, а и потешко ќе заспие. Затоа советот е детето задолжително да спие попладне, но исто така е важно и да се погрижите навечер да си легнува на време (соодветно за возраста).
Без оглед на причината зошто вашето дете се буди ноќе, најважно е да почувствува дека вие сте смирени и дека може да продолжи да спие без грижа.
Разговорот со детето сведете го на минимум по будењето, а светлата нека останат пригушени. Имајте на ум дека оваа ситуација со будење може да се повторува неколку ноќи по ред, па дури и недели. Важно е за тоа време да ја одржувате рутината за спиење и проблемите ќе се решат со текот на времето. Се разбира, ако имате какви било сомнежи или сте загрижени, најдобро е да се консултирате со стручно лице.
