Бесот е нормална емоција која секој ја чувствува, но возрасните дефинитивно располагаат со повеќе алатки за негова контрола од децата. Затоа децата често својот бес го насочуваат кон насилничко однесување. Тоа може да биде сè, од фрлање работи, гризење до удирање.
Ако и вашето дете е склоно кон вакво однесување, вие како родител сте должни да му помогнете да развие самодисциплина и способност да ги изразува своите чувства на соодветен начин. Направете го тоа на овие осум начини:
Поставете цврсти граници
На децата треба да им се објасни кое однесување е прифатливо, а кое не, и зошто е тоа така. Погрижете се сите што се грижат за вашето дете да се свесни за правилата што сте ги поставиле, како и за одговорот што треба да го користат доколку се појави агресивно однесување. Детето кое удира или гризе треба веднаш да се прекори за да разбере што згрешило.
Најдете нови начини како детето да се носи со лутината
Поттикнете го детето да користи зборови, а не тупаници за да ги изрази чувствата. Прашајте го што го налутило толку што решило да удира. Зборувањето на темата може да им помогне на децата да да ги поминете низ нивниот бес и така да се смират. Ако детето сепак не сака да разговара со вас, препуштете го тоа на друг член од семејството, а за соговорник можете да користите и некоја кукла, домашно милениче и слично.
Научете го детето на самоконтрола
Децата немаат вродена способност за контрола. Треба да се научат да не удираат, клоцаат и гризат секогаш кога ќе сакаат. На детето му се потребни родителски насоки за развивање на способност да ги држи чувствата под контрола и да размислува за своите постапки пред да направи нешто.
Избегнувајте поттикнување „цврстина“
Во некои семејства дури се поттикнуваат агресивност и силно однесување, најмногу кај момчињата. Родителите најчесто користат зборови како „цврсто“ и „силно“ за вербално да го наградат детето. Ова во некои ситуации може да го натера детето да удира, турка или гризе, мислејќи дека тоа е всушност вистинскиот начин да се добие пофалба од родителот.
Избегнувајте воспитување со удирање по задник
Некои родители за казна ќе го удрат детето, додека други ќе му дадат „само малку по задникот“. Секое дете кое било изложено на физичко казнување може да порасне верувајќи дека тоа е правилен начин да реагира на однесување што не му се допаѓа. Физичкото казнување лесно може да предизвика детето да стане агресивно кон другите од околината.
Контролирајте го сопствениот темперамент
Оставете ги децата да бидат сведоци на конфликтот што избувна во вашата куќа и да научат како работите да ги решаваат на мирен начин, преку разговор, преговарање, договор…
Децата ги имитираат возрасните, па врз нив големо влијание има како вие се справувате со сопствениот бес. Размислете за нешто што ве смирува, секогаш тргајте се од конфликтна ситуација и вашето дете ќе почне да ве имитира и да го прави истото.
Креативен излез
Децата можат да се ослободат од бесот со удирање на перница, топка, обликување на глина или пластелин. Танцување, прошетка, спортување, сето ова може да помогне да се смири акумулираниот стрес или агресија. Задолжително поттикнете го вашето дете да го прави она што му се допаѓа и ужива, бидејќи на тој начин на креативен начин ќе се ослободи од бесот.
Утешете и дајте нежност
Објаснете му на детето дека искрено се грижите за тоа како се чувствува, зошто, во каква ситуација се наоѓа. Вашата блискост може да ги смири децата и да им даде чувство на поддршка што им е потребна. Исто така, никогаш не ја потценувајте моќта на прегратката, бидејќи секој сака да се чувствува заштитено, прифатено и сакано.
