Децата се изложени на голем број вируси и бактерии во своето секојдневно опкружување, па така играта со врсниците или престојот во затворени простории може да предизвика зачестена појава и ширење на разни инфекции. Меѓутоа, овие фактори нема подеднакво да влијаат на сите деца. Додека кај некои од нив имунолошкиот систем успешно се бори против разни микроби, други често ќе се разболуваат од настинка или од грип.
Следејќи ги овие чекори можете да допринесете да го зајакнете имунитетот и со тоа да си обезбедите заштита од разни микроби кои можат негативно да влијаат на здравјето на вашето дете.
ВИТАМИНИ И МИНЕРАЛИ
Витамин Ц – тој е на врвот на листата кога стнува збор за јакнење на имунитетот. Тој го зголемува производството на бели крвни зрнца, но и на нивото на интерферон – природни протеини што ги произведуваат клетките на имунолошкиот систем како одговор на вируси, паразити и туморни клетки.
Витамин Д – се произведува под влијание на сонцето. Научни испитувања покажуваат дека имунолошкиот систем не може да се активира без негово присуство. Основни функции на витаминот Д се регулирање на имунитетот, регулирање на растот на клетките и хормонската рамнотежа. Додатокот на витамин Д е вообичаен кај исхраната на новороденчињата.
Витамин Е – важен антиоксидант кој допринесува за јакнење на имунитетот кај децата. Го поттикнува производството на Т- лимфоцитите и клетките т.н природни убијци кои ги бараат и ги уништуваат бактериите.
Цинк – тој го зголемува производството на бели крвни зрнца кои се борат против инфекции и им помага да отпуштаат повеќе антитела. Испитувањата покажуваат дека додатокот на цинк кај бебињата и кај децата може да ја намали честотата на акутни респираторни инфекции.
Селен – исто така го зголемува производството на бели крвни зрнца.
ОСИГУРАЈТЕ МУ НА ДЕТЕТО ДОВОЛНО СОН
Освен што влијае на психичкиот и на физичкиот рзвој на детето, потребната количина на сон помага и во одржувањето на здравјето и на заштитата од инфекции. Лошиот сон може да ја намали отпорноста на организмот и да ја зголеми веројатноста од појава на разни инфекции, но и да влијае на нивната должина и траење.
ВНИМАВАЈТЕ НА ВНЕСОТ НА ТЕЧНОСТИ
Погрижете се вашето дете во секојдневната исхрана да внесува доволно течности во форма на вода, млеко или овошни природни сокови богати со витамини. Избегнувајте пијалоци со висок процент на шеќери или вештачки засладувачи.
БАЛАНСИРАНА ИСХРАНА
Балансираната исхрана обзебедува силен и здрав имунолошки истем. Нутритивните недостатоци може да ја зголемат чувствителноста на вируси и бактерии, па затоа се препорачува во секојдневнта исхрана да воведете свеж зеленчук и овошје, месо, житарки, мешунки…
РЕДУЦИРАЈТЕ ГО ВНЕСОТ НА ШЕЌЕРИ
Консумирањето шеќери од друга страна го намалува бројот и функцијата на белите крвни зрнца кои помагаат во борба против разни инфекции и ја зголемуваат ефикасноста на имунолошкиот систем. Освен тоа шеќерот е одговорен и за други болести, како дијабетес и проблеми со срцето.
ПРОБИОТИЦИ
На пазарот постојат разни пробиотици наменети за деца. Тие допринесуваат за јакнење на имунитетот така што помагаат во воспоставување рамнотежа меѓу т.н добри и лоши бактерии, ја подобруваат фагоцитозата која белите крвни зрнца ја користат за онеспособување на бактериите. Освен тоа, пробиотикот допринесува за зголемување на бројот на т- лимфоцитите.
ДОБРИ МАСТИ
На телото на вашето дете му е потребно одредена количина незаситени масни киселини за да остане здраво. Тие делуваат на јакнење на имунитетот и го штитат телото во текот на реакции на инфекции. Истражувањата покажуваат дека децата кои пијат пола лажичка ленено масло дневно имаат помалку сериозни респираторни инфекции.
ИЗБЕГНУВАЈТЕ НЕПОТРЕБНО ДАВАЊЕ АНТИБИОТИЦИ
Денес на децата им се препишуваат огромни кличини антибиотици кои сериозно може да го ослабат имунолошкиот систем на детето, но и да изгради отпорност кон самиоот лек. Наместо да прибегнувате кон давање антибиотици и кога е вирус во прашање или настинка, обидете се да делувате превентивно со активно влијание на зајакнување на имунитетот.
РЕКРЕАЦИЈА И ПРИРОДА
Рекреацијата е пожелна уште од најрана возраст и во голема мера може да допринесе за јакнење на имунитетот. Умерената телесна активност го потикнува создавањето на бели крвни зрнца, а престојот на свеж воздух го јакне детскиот имунитет. Активно поминатото време во природа со вашето дете сигурно повеќекратно ќе се одрази позитивно на неговото здравје.
