Деца чии родители се разведени имаат поголеми шанси да бидат гојазни. Научниците го следеле индексот на телесна тежина кај 7500 деца од нивното раѓање до 14 години. Тие откриле дека просечниот индекс на телесна маса кај децата чии родители биле се уште во брак изнесува 19, додека кај децата на разведени родители бил 19,5.
Експертите сугерирале дека децата на разделени семејства се склони понездраво да се хранат, бидејќи нивните родители имаат помалку време да им подготват здрави оброци.
Првиот индекс бил мерен кога децата имале само девет месеци, мерењата биле повторени на 3, 5, 7, 11 и 14 години. Следено било и опкружувањето во кое децата растеле, како и материјалниот статус на родителите.
Кога ќе се споредат индексите на децата се гледат значајна разлика, а најголемо влијание имало кај децата кои биле свесни за разводот на своите родители и коли биле постари од 6 години. Како причина се наведува недоволниот внес на здрава храна, но и сиромаштијата, и немањето доволно финансиски средства за ангажирање на детето на активности надвор од училиштето.
