Како што растат температурите, стануваме се посвесни дека мора да внимаваме на нашето здравје, а на тоа не предупредува сопственото тело секогаш кога ќе помислиме дека „тие топлотни бранови не се ништо посебно“. Напротив – тие се нешто посебно. Температурите се екстремно високи и често се зголемуваат за многу кратко време, па телото нема ни време да се прилагоди. И не, не е исто како што било пред 30 години.
Иако често всушност мислиме дека децата полесно ги поднесуваат овие високи температури, бидејќи се деца и нивниот организам е поотпорен на се – тоа всушност воопшто не е точно. Имено, децата потешко ја регулираат телесната температура од возрасните. Освен тоа, често не можат и не знаат како да си помогнат, па со право очекуваат возрасните да им помогнат да се справат со претерано високите температури.
Без разлика на нивото на активност, кога е изложено на високи температури, детето мора да пие доволно течности. Секогаш проверувајте ја бојата на урината на бебињата и уверете се дека не е премногу темна. Ако урината е премногу темна, детето мора да внесе колку што е можно повеќе течности во телото
Иако понекогаш е „само“ тешко да се издржат вруќините, често забораваме дека екстремно високите температури можат да доведат до различни состојби кои се директно поврзани со топлината, но и со високата влажност на воздухот. Тоа може да бидат разни осипи поради топлина кај најмалите, па се до топлотни удари кај постарите деца, кои можат да предизвикаат разни проблеми во организмот. Сето ова е засилено при прекумерна активност на покачени температури.
Мора да имаме предвид дека детскиот организам треба повеќе да почне да произведува пот, и да почне да се прилагодува на температурата на околината. Помалите деца дополнително се склони кон поголем ризик од дехидратација, бидејќи поголем процент од нивното тело е вода. Студијата спроведена во 1995 година покажа дека кога е изложена на температура од 35 степени за време на половина час, температурата на телото на детето се зголемува повеќе од онаа на возрасен.
Како да му олесните на детето кога температурите се превисоки:
- Никогаш не оставајте дете во автомобил!
Ова е нешто што никогаш не е излишно да се спомене. Детето не смее да остане во паркиран автомобил ниту неколку минути. Никогаш. Дури и краток престој во прегреан автомобил може да предизвика смрт на дете.
- Лесно со облека, обилно со крем
Облеката што ја носи детето мора секогаш да биде памучна, лесна и во светли бои. Задолжителни се капите или шеширчињата! Деловите од телото кои не се покриени со облека треба да бидат обилно намачкани со крема за сончање.
- Понудете им доволно течности
Без разлика на нивото на активност, кога е изложено на високи температури, детето мора да пие доволно течности. Секогаш проверувајте ја бојата на урината на бебињата и уверете се дека не е премногу темна, а на постарите деца можете да им кажете сами да го направат тоа. Ако урината е премногу темна, детето мора да внесе колку што е можно повеќе течности во телото.
- Обезбедете им забава
Факт е дека секогаш советуваме дека децата мора да бидат надвор, активни, на воздух… Меѓутоа, за време на топлотни бранови тоа ниту е возможно, ниту се препорачува. Може да очекувате децата да бидат нервозни и немирни поради фактот што се во затворен простор, па затоа задолжително испланирајте забава. И малку поместете ги границите на дозволеното, па обидете се да вклучите каква било водена забава.
- Барајте ладно засолниште
Секогаш кога е можно, чувајте ги децата во разладена просторија. Не мора да биде просторија во која клима уредот е вклучен да лади на 20 степени – згора на се тоа не е ни здраво – туку мора да биде малку затемнета просторија, ако таа страна од куќата е свртена кон сонцето, со вклучен вентилатор (или клима уред, но на соодветна температура).
- Нека се одмораат
Активностите кои бараат физички напор не се добар избор за високи температури. Ваквите активности можете да ги организирате рано наутро или подоцна навечер. Во најтоплиот дел од денот на детето мора да му се даде можност да има доволно одмор.
- Научете да ги препознаете знаците на состојбите поврзани со вруќината
Последиците од вруќината може да бидат топлотен удар (во најлош случај), исцрпеност, сончаница, грчеви и изгореници. За време на топлотен бран, треба да се сфатат сериозно.
- Разговарајте со децата
Децата може да бидат загрижени поради разни проблеми кои доаѓаат со високите температури. Можно е да видат мртви животни – птици, на пример. Разговарајте со нив и обидете се да ги смирите, но секогаш треба да бидете искрени со нив.
- Бидете информирани и следете ги насоките
Бидете во тек со прогнозите и предупредувањата издадени за вашата област. Не планирајте активности ако е во сила предупредувањето за топлотен бран – дури и ако е викенд и сакате да го искористите времето.
- Олеснете им го спиењето
Пред спиење, приуштете им на децата лесно разладена купка или туширање со поладна вода од вообичаеното. Облечете ги што е можно полесно и погрижете се да пијат доволно течности. Ако душекот има заштита, отстранете ја, бидејќи таа дополнително грее.
