Солта веќе се наоѓа во повеќето намирници што ги купувате, па лесно е да се претера. Максимално препорачаните дневни количини сол за бебињата и за децата, во зависност од возраста се:
- До 12 месеци – помалку од 1гр дневно
- Од 1 – 3 години – 2гр
- Од 4 – 6 години – 3гр
- Од 7 – 10 години – 5гр
- Над 11 годишна возраст – 6гр
Кога детето ќе почне да внесува кашички, не треба да се соли храната за бебето, бидејќи неговите бубрези се уште не се во состојба да ја преработат солта. Ако за бебето одвојувате храна од онаа која ја подготвувате за целото семејство, внимавајте да одвоите за бебето пред да додадете сол како зачин.
Ако не подготвувате сами, туку купувате готова храна, водете сметка на детето да му давате храна која исклучиво е наменета за бебиња. Кашестата храна која не е наменета за бебиња (снегулки и слично), обично содржи повеќе сол отколку што е препорачливо за бебето.
