Детски ноќни неволји

Неминовните промени кои го следат детскиот развој, секако се одразува и на навиките за спиење на најмалите. Откриваме што тоа треба да направите, за сонот на вашето дете не биде пореметен.

Преминување во детска соба

Сите стручњаци советуваат бебињата во првите шест до осум месеци од животот спијат во корпа или во креветче наместено во спалната соба на родителите. После тоа, веројатно ќе почнете да размислувате за преместување на детето во детска соба. Кога ќе се изгасне светлото, помалу или повеќе секоја соба е иста. Затоа е важно оваа транзиција да ја направите мудро и сталожено. Ако вие сте прибрани и смирени и вашето дете така ќе се однесува. Колку порано детето почне да спие во детска соба, толку ќе биде полесно за Вас.

КАКО ДА ГО ПРЕБРОДИТЕ: Освен вашата самодоверба и позитивен став, од голема помош ќе биде и тоа да новиот простор веќе му биде познат на бебето. На почетокот, ставајте го бебето да спие во таа соба само преку ден, играјте со него во тој простор, а потоа постепено продолжувајте го престојотво таа просторија се додека не дојде до точка кога ќе го оставите самостојно да преспие цела ноќ во неа.


Од мал во голем кревет

Одлуката за премин од креветче во ‘вистински’ кревет зависи и од Вас и од вашето дете. Некои деца сакаат да спијат во своите креветчиња и до третата година, додека некои постојано се обидуваат да ја прескокнат оградата и да изезат од него. Ако е тоа случај и со вашето дете, тогаш би требало да го префрлите во голем кревет, поради можниот ризик од падови и повреди.

КАКО ДА ГО ПРЕБРОДИТЕ: За оваа важна транзиција да биде што е можно побезболна, ставете го новиот кревет на местото каде стоело креветчето. Зборувајте со детето што планирате да направите и нагласете му дека отсега ќе спие во кревет за големи и храбри деца. Истовремено, не плашете се од враќање на старо, доколку забележите дека детето поради оваа промена е вознемирено. За извесно време обидете се пак.

Ноќни кошмари 

Малите деца имаат кошмари, исто како и возрасните. Ако детето се разбуди поради ноќен кошмар, разговарајте со него за тоа. Тоа ќе ви даде прилика да смислите среќен крај за страшната приказна од сонот. Доколку детето се буди секоја ноќ  во исто време како резултат на страшни соништа, обидете се да вие се разбудите пред тоа да се случи, па ако треба навијте и аларм.  Инаки, ноќните мори се пострашни за родителот кој ги гледа реакциите на детето додека ги проживува во сонот. Воглавном, децата не се сеќаваат на страшните соништа и немојте да ги потсетувате на нив. Генерално, од втората до шестата година поголемиот број деца го надминуваат периодот на кошмарни сонови. Важно е да се нагласи дека не смеете да го будите детето додека сонува страшен сон, бидејќи тоа дополнително ќе го уплаши. Доволно е само да бидете покрај него и да го галите додека не се смири.

КАКО ДА ГО ПРЕБРОДИТЕ: Децата го сонуваат она што го виделе, случнале или почувствувале. Поради тоа, треба да ги заштитите од изложување на вознемирувачки случки и сцени. Исто така, недостигот на сон е една од причините за појава на ноќни мори, па затоа е важно да кај детето воспоставите правилна динамика на спиење.


Болка поради растење заби

Поголемиот број бебиња, првите забчиња ги добиваат до шестиот месец од животот, а болката од нивното пробивање може да се појави и два месеца претходно. Никој не знае поради што некои бебиња лесно ги пребродуваат овие моменти, а некои видно се мачат со недели, со непрекинато гризење на се што ќе им дојде под рака, жешки обравчиња, постојано течење плунка, нарушен сон, па дури и покачена температура. Никој не може да спие кога нешто го боли, па така и бебињата.

КАКО ДА ГО ПРЕБРОДИТЕ: Ако детето е постаро од три месеци, тогаш можете пред спиење да користите некои препарати за ублажување на болките и тегобите при вадењето забчиња.