Педијатрите советуваат дете по првиот роденден до три години да спие 12 до 14 часа, во текот на денот и ноќта. Доволната количина на сон, на оваа возраст, додаваат тие, е особено важна за целокупното здравје на детето, од причина што влијае не само на неговото расположение и раздразилвост, туку се одразува и на имуниот систем и неговата способност да се одбрани од вируси и други причини кои доведуваат до болести.
- Кога ќе наполни 18 месеци, детето неколкуте дремки во текот на денот ќе ги замени со едно спиење во траење од еден до три часа. Тоа спиење треба неколку часа да се одвои од вечерното легнување во кревет, оти во спротивно, вечерното заспивање нема да оди лесно.
Повеќето деца на оваа возраст не баш со волја заминуваат да си легнат да спијат, а честите се и ноќните стравови. Многу фактори може да доведат до проблеми со спиењето. Децата на оваа возраст полека тежнеат кон осамостојување и напредокот на нивното моторно, осознавачко и социјално функционирање секако влијае на спиењето. Стравот од одвојување, потребата за автономија и развојот на нивната имагинација исто така влијае на проблемите со спиењето.
На оваа возраст детето веќе станува способно и само да стане од кревет.
Она што е значајно е да се воспостави ритам на редовно спиење и да се држите до распоредот. Истовремено е важно да изградите добри навики на успивање и најдобро е детето да се навикне само да се успива и заспива.
