Минливите вирусни инфекции на мозокот во детството може да доведат до развој на автоимуни состојби, како што е мултипла склероза подоцна во животот, укажува нова студија што ја спровеле научници од Универзитетот Женева во Швајцарија.
Неодамнешни истражувања покажаа дека мултипла склерозата е најчеста невролошка автоимуна болест меѓу младите луѓе во светот.
И покрај фактот што мултипла склерозата може да биде многу тешка болест и да влијае на голем број луѓе секаде во светот, научниците се уште не се сигурни што ја предизвикува.
Од претходно е познато дека изложноста на вируси, како што е Епштајн-Баровиот вирус може да го зголеми ризикот од развој на мултипла склероза, но истражувањата не покажале јасна врска. Други микроорганизми кои можат да имаат улога во настанувањето на оваа болест вклучуваат хуман херпес тип 6 (HHV6) и бактеријата Mycoplasma pneumoniae која е најчест причинител за воспаление на белите дробови кај децата на училишна возраст.
