Pedijatar.mk е нов и единствен медицински портал кој со својот приод во нашата држава е наменет за сеопфатно информирање на родителите, но и на педијатриската јавност за се она што спаѓа во доменот на педијатријата, со мото: “Детството е родител на човековата личност” (Sigmund Freud), кое е навистина вистинската слика на значењето од нормален психомоторен развој на детето. Притоа, едно од најсилните чувства кое е присутно кај сите видови кои живеат на нашава планета е она кога се добива сопственото потомство. Во тој поглед ништо не се разликува и човекот. Помислите на ликот на таткото кој е нервозен и чека… и неговиот лик кога ќе ја добие веста дека го добил своето чедо. За мајката не треба посебно да се зборува. Само таа го има прекрасното чувство да дарува “нов живот”. Дали во тој миг за нив е важно богатството или сиромаштијата, војната или мирот, дали е зима или лето, ден или ноќ, дали земјата е топка или плоча и дали таа се движи околу сонцето или обратно… Единствениот нивен интерес и центар на случување е нивното чедо, нивното дете кое е центар на нивниот универзум, центар на нивниот живот, љубов и среќа.
Но, не се свесни дека родителството е најтешката професија. Затоа е тука Pedijatar.mk.
Сметам дека еден од најзначајните елементи во практиката на секој педијатар треба да претставува перманентната едукација на родителите и децата. За истата впрочем и не постои подобар адвокат на децата од педијатарот.
Pedijatar.mk има за цел да контактира со сите родители и да биде можност да се разјаснат сите потенцијални нејаснотии околу дијагностиката или лекувањето на одредени детски болести, негата, исхраната и развојот на децата.
Pedijatar.mk ги нуди сите неопходни информации за родителите во однос на сите елементи на здравјето на нивното дете односно нивниот универзум според медицината базирана на докази. Со тоа, Pedijatar.mk е првиот флуид и контакт со родителите и преносител на сите значајни мисли, информации и знаења на нашите еминентни педијатри но, секaко и на оние од странство.
Pedijatar.mk ги расчистува сите нејаснотии или дилеми околу здравјето на вашето дете.
За заедничко добро, со почит, д-р сци. Александар Сајковски
