Тантрумите, односно детските изливи на бес, можат да бидат исклучително предизвикувачки. Како за децата, така и за родителите. Во овие ситуации, некои родители посегнуваат по мобилни телефони и таблети и им ги нудат на своите деца, со надеж дека тоа ќе ги смири. Но, поминувањето премногу време пред малите екрани може негативно да влијае на децата.
Еве неколку алтернативи, како да се обидете да го смирите детето кое што поминува низ тантрум.
1. Вие смирете се
Кога вашето дете плаче или вреска, првото нешто што треба да направите е да се смирите сами себе. Не реагирајте веднаш на нивното однесување. Тоа може да ги смири.
2. Играјте со децата
Не е тајна дека децата сакаат да играат, па затоа играњето е еден од најдобрите начини за смирување на тантрумот. Пробувањето и откривањето нови активности ќе ја поттикне нивната креативност и ќе им го привлече нивното внимание.
3. Прашајте го детето за мислење
Поставете му директно прашање на вашето дете за да откриете што може да го смири. Се разбира, тоа не значи дека ќе се согласите со неговите барања со кои вообичаено не би се согласиле.
4. Пејте им
Ова е одличен трик за смирување. Кога ќе забележите дека детето е нерасположено, обидете се да му отпеете омилената песна.
5. Прегрнете ги
Прегратките се одличен начин да се понуди утеха, а помагаат и во намалувањето на емоционалниот стрес.
6. Замолете го детето да земе длабок здив
Ако детето е фрустрирано, замолете го да земе длабок здив. Научете го како да го направи тоа.
7. Исклучете ги светлата
Понекогаш исклучувањето на светлата е најефективниот начин за смирување на малите деца. Имено, новороденчињата се навикнати на удобноста и безбедноста на тивката и темна мајчина утроба.
8. Излезете надвор
Кратката прошетка може да им помогне на децата да се смират. Исто така, свежиот воздух им помага на сите да се чувствуваат подобро.
9. Пренасочете им го вниманието
Прашајте го вашето дете која е неговата омилена боја, кои се неговите омилени панталони или што добро му се случило денес, советува Times Of India.
