Адолесценцијата е време кога младите копнеат по слобода. Овој период е обележан со желба за независност, но родителската поддршка и понатаму игра важна улога додека тинејџерите се прилагодуваат на новите улоги и одговорности.
Едукаторката за воспитување и и психолог, Џејми Блох, споделува девет работи кои на тинејџерите на таа возраст сè уште им требаат од нивните родители. Таа тврди дека како психолог многу добро ги познава умовите на младите луѓе и знае што им помага да се чувствуваат сакано, видено и поддржано.
Таа ги наведува следниве совети:
- Бидете гостопримливи и прифатете ги пријателите на вашите деца.
- Прифатете кои се (фризура, облека, стил).
- Слушајте ги кога нешто ви кажуваат или објаснуваат.
- Останете смирени дури и кога ги споделуваат своите проблеми со вас.
- Почитувајте ја нивната потреба за простор и не сфаќајте го тоа лично.
- Дарувајте им мали изненадувања кои се добро осмислени.
- Користете хумор и смејте се со нив бидејќи тие и понатаму сакаат да играат.
- Кажете им дека ги сакате и покажете им мали гестови на наклонетост, како прегратка.
- Поддржете ги и бодрете ги.
“Мораме да работиме на односот со нашите тинејџери од самиот почеток. Дури и ако не сте блиски со вашите деца, постојат многу начини на кои можете повторно да изградите сигурен однос со нив. Тинејџерите забележуваат сè, дури и мали гестови на љубов. Следниот пат кога ќе сакате да се поврзете со нив, обидете се да направите нешто од оваа листа“, заклучува Блох.
