Комплетно е јасно колку придобивки има мајчиното млеко за бебето. Благодарение на него, се намалува ризикот од астма, дебелина, синдром на изненадна смрт кај дете, гастроинтестинални проблеми, инфекции, пневмонија. Исто така, доењето е добро и за мајката, бидејчи спречува развој на рак на дојка и јајчници, висок крвен притисок и дијабетес тип 2.
Иако над 80 проценти од мајките ги дојат своите бебиња од самото раѓање, сепак многу мал број од нив продолжуваат со тоа подоцна.
Секако, има жени кои не можат да дојат и тоа е сосема во ред. Млечните формули се целосно прилагодени на бебето и се одлична замена за мајчиното млеко.
И Светската здравствена организација и Американската академија за педијатрија предлагаат бебето исклучиво да се дои (или користи млечна формула) во првите шест месеци од животот.
По тој период, се предлага воведување на цврста храна во исхраната на бебето, но со продолжување со доењето. Секоја мајка треба да направи распоред на исхрана и доење кој неа и на детето најмногу им одговара. Потрудете се до првата година да не престанувате со доење, доколку можете.
Секако, може да го доите детето и по првиот роденден. Всушност, продолженото одење има многу бенефити за развојот на детскиот мозок, имунитет, но и создавање на блиска врска со мајката. Според некои статистики, само 15% од мајките продолжуваат да ги дојат бебињата со 18 месеци.
Зошто мајките престануваат со доењето порано?
Порано, мајките престанувале да дојат поради болка или суви брадавици. Некои од нив често мислат и дека немаат доволно млеко. Како бебето расте, мајката може да има премногу други обврски, а измолзувањето и редовниот распоред на залихи може да бидат исцрпувачки. Многу мајки се одлучуваат за користење на млечна формула наместо измолзување, бидејчќи е многу поедноставно и полесно да се усклади со работата.
