Почнувајќи од втората, а посебно од третата година, децата сметаат дека се “големи“ и очекуваат соодветен третман. Но, не треба да се заборави дека за таа возраст е карактеристична и фазата на пркос, инаетење, па децата не сакаат да престанат да си играат, да одат на капење, а уште помалку да легнат во кревет и да спијат. Проблемите се јавуваат кога на крајот, родителите попуштаат. За жал, многумина родители за избегнат расправии им удоволуваат на децата, посебно кога станува збор за времето за спиење.
Детето на две години е исклучително активно, троши многу енергија додека го истражува светот околу себе. Поради тоа му е потребна голема количина на сон за да ја обнови силата: 12 часа преку ноќ, и еден до два часа во текот на денот.
Ако детето се разбуди околу 7 часот наутро, вистинско време за попладневно спиење е 13 часот, или порано.
Родителите грешат доколку детето го ставаат во кревет премногу доцна или веднаш по ручекот, оти треба да помине малку време, поради дигестијата. Ваша должност е да ги препознаете знаците на замор кај детето: дали се прозева за време на ручекот, дали ги трие очите…? Ако заморот е очигледен, помесете го времето за ручек.
Попладневниот одмор трае од еден до два циклуса на сон, односно помеѓу 70 минути и два и пол часа. Важно е да оставите детето само да се разбуди. Често се случува да ги будиме децата, оти сметаме дека нема да можат вечерта да заспијат. Меѓутоа, е спротивно!. Ако детето научи да се бори со сонот, истото ќе го прави и навечер.
