Со месеци по закрепнувањето од лесна форма на КОВИД-19, кога нивото на антитела во крвта се намалува, имунолошките клетки во коскената срж и понатаму можат да лачат нови антитела против коронавирусот, објавија американските научници во списанието „Нејчр“ во понеделникот.
По инфекцијата, имунолошките клетки со краток век се генерираат многу брзо и излачуваат бран на заштитни антитела.
„Овие клетки ќе продолжат да живеат и веројатно ќе создаваат антитела до крајот на човечкиот живот, но сè уште не е целосно јасно дали би го имале истиот резултат на истражување кај пациенти кои прележале умерен до тежок облик на КОВИД-19“, заклучуваат авторите на студијата
Паралелно со изумирањето на имунолошките клетки, нивото на антитела опаѓа, но базен на овие имунолошки клетки, познати како долговечни плазма клетки, останува како еден вид резерва и по инфекцијата.
Повеќето од нив се преместуваат во коскената срцевина, објасни коавторот на студијата Али Елебеди од Медицинскиот факултет на Универзитетот Вашингтон во Сент Луис.
Тој рече дека на членовите на неговиот научен тим им биле дадени примероци од коскена срцевина на деветнаесет пациенти седум месеци по појавата на лесна форма на КОВИД-19.
Утврдено е дека петнаесет од нив имале долговечни плазма клетки кои лачеле антитела против коронавирусот.
Петмина од нив биле подложени на втора биопсија на коскена срцевина 11 месеци по појавата на симптомите, која покажала дека сите пациенти и понатаму имаат долговечни плазма клетки кои лачат антитела против SARS-CoV-2.
Елебеди истакна дека „овие клетки се задржуваат во коскената срцевина и продолжуваат да лачат антитела“. Тој објасни дека тие се однесуваат на овој начин од крајот на болеста и дека тоа веројатно ќе продолжи на неодредено време.
„Овие клетки ќе продолжат да живеат и веројатно ќе создаваат антитела до крајот на човечкиот живот, но сè уште не е целосно јасно дали би го имале истиот резултат на истражување кај пациенти кои прележале умерен до тежок облик на КОВИД-19“, заклучуваат авторите на студијата, пренесува „Хина“.
