По породувањето, голем број мајки се соочуваат со проблеми поврзани со доењето. Неможноста мајката да дои може да се јави од повеќе причини, а некогаш и кога мајката ќе воспостави лактација, се јавува проблем со недоволна количина на млеко во дојките, па покрај мајчиното млеко во бебешката исхрана, мора да се воведе и млечна формула. Тоа не би требало да ги загрижува новите мајки, со оглед дека и многу педијатри ја поддржуваат комбинацијата на формула и мајчино млеко.
“Не би требало да се чувствувате лошо доколку вашите гради не можат да произведат доволна количина млеко за бебето, бидејќи и многу мала количина од вашето млеко е сосема доволна за негово напредување“, истакнува консултантот за лактација, Фреда Розенфелд. Формулата ги содржи сите хранливи состојки кои му се потребни на бебето и не е важно кога ќе почнете со нејзина употреба, бидејќи тоа никако не значи дека деновите на доење се при крај. Комбинирањето на млечна формула и мајчино млеко особено има смисла во следниве три сценарија:
НЕМАТЕ ДОВОЛНО МЛЕКО
Во принцип, колку повеќе го доите бебето, толку повеќе млеко би требало да произведувате. Но, ако од почетокот имате проблем да воспоставите лактација (затоа што со бебето во болница сте биле раздвоени подолго од што е препорачано, вашето бебе има проблем со цицањето или е во прашање некоја друга причина), обезбедувањето соодветна количина на млеко може да биде многу проблематично. Но, дури и кога се е во ред, некои мајки немаат доволна количина на млеко за своето бебе. Ова обично се случува на мајките кои родиле близнаци, кои ги оперирале градите или кои родиле во нешто позрели години.
Во секој случај, ако вашето бебе набрзо по доењето огладне, многу е можно да имате проблеми со количината на млеко. Разговарајте со педијатарот да го измери бебето пред и по доењето, за да се утврди дали имате проблем, предлага д-р Шила Герати. Таа советува и мајките покрај доењето и се измолзуваат да гоо поттикнат неговото производство, како и на бебето да му дадат млечна формула.
КОГА НЕ МОЖЕТЕ ДА СЕ ИЗМОЛЗУВАТЕ
Многу мајки се одлучуваат за измолзување тогаш кога ќе се вратат на работа. Измолзувањето на работно место е многу непријатно, а дури и пред враќањето на работа да се складирале количина на млеко, залихите полека ќе почнат да се трошат. Во тој случај може да размислите за воведување на млечна формула, а кога ќе се вратите од работа, продолжете со доење. Во рок од две до три недели вашето тело ќе почне да произведува млеко тогап кога му е потребно на вашето бебе – повеќе во утринските и вечерните часови, а помалку во текот на денот.
СОВЕТ: Неколку недели пред да ви заврши породилното отсуство, почнете со измолзување на млеко во текот на денот и давајте му го на детето, наместо да го доите. На тој начин ќе го намалите произвдоството на млеко во текот на денот.
КОГА ВИ Е ПОТРЕБНО ПОВЕЌЕ СОН
Многу нови мајки многу брзо се навикнуваат на испрекинат сон во текот на ноќта, но за некои од нив, барем една проспиена ноќ без станување да се подои бебето, може да направи голема разлика во нормалното функционирање.
“Доењето е напорна работа и не е реткост голем број мајки да се соочат со депресивна состојба поради тоа“, велат лекарите. Доколку и вам ви е неопходен сон за да не ви се наруши менатлното здравје, замолете го партнерот да го нахрани бебето барем една вечер со адаптирано млеко. Освен тоа, многу е веројатно бебето подолго да спие, со оглед дека млечната формула побавно се вари од мајчиното млеко.
