Вашето бебе од осум до 10 месеци може да лази и да се обиде да се подигне. Во тој период тоа можеби и не е премногу заинтересирано за храна. Може да се случи одеднаш да почне да одбива да јаде, оти сега има “поважна работа“.
Со осум месеци, бебето може да ја прошири палетата кога се во прашање житарките. Сега може да јаде пченица, киноа, спелта, сусам и друго.
Од овошје, бебето на оваа возраст може да проба боровница, цреши, брусница, грозје, смокви, киви, манго, папаја, праска, покрај она што и претходно го јадело.
Кога е во прашање зеленчукот, бебето сега може да јаде артичока, аспарагус, брокула, тиквица, морков, карфиол, модар патлиџан, печурки, кромид и пиперка.
Протеините бебето ќе ги обезбеди од мешунките, јунешкото месо, пилешкото месо, жолчката, рибата, мисиркиното, но и од свинското месо.
Од млечни производи, на оваа возраст може да му понудите проверна и пастеризирана урда и чедар сирење.
