Некои пациенти со Ковид-19 земаат антибиотици, но тоа нема да помогне во лекувањето, апелираат докторите.
„Антибиотиците никако не доаѓаат предвид во лекувањето на вирусни заболувања, вклучително и коронавирусот, особено не Сумамед. Сумамед или било кој антибиотик, особено на самиот почеток на инфекцијата, воопшто не помага, всушност – може да биде и штетен. Секој антибиотик има свои несакани ефекти, мора да помине низ црниот дроб, бубрезите, а тоа го прави и вирусот, всушност можете да имате дополнителни симптоми ако сте земале антибиотик, нов т.н. отров кој не ви помага во лекувањето“, објасни д-р Викица Кроло, семеен лекар и заменик претседател на Хрватската лекарска комора (ХЛК) за Н1.
Антибиотиците никако не доаѓаат предвид во лекувањето на вирусни заболувања, вклучително и коронавирусот, особено не Сумамед
Проф. д-р Пановски: Антибиотиците не се превентива кај Ковид-19
„За Ковид-19 не е предвидено превентивно давање на антибиотици, а не е предвидено ниту за која било вирусна болест. Таква пракса нема во ниту еден протокол во целиот свет, па ни кај нас. За болни од Ковид-19 предвидено е само кај одредени случаи каде се сомневаме дека се јавила бактериска инфекција, која треба да ја потврдиме со лабораториски наоди, да се пропише антибиотик…“, предупреди уште пред повеќе од една година, проф. д-р Никола Пановски, микробиолог и претседател на Комисијата за контрола на АМР на Македонија, во интервју за Панацеа.мк.
