Кашлицата се јавува многу често кај децата како придружен симптом на разни инфекции, вируси, настинки… Во некои случаи, некои природни состојки можат да помогнат и благо да ја ублажат кашлицата – но имајте на ум дека тоа не е лек.
Домашниот сируп за кашлица ја ублажува болката во грлото и го навлажнува грлото и горните дишни патишта, што може да го ублажи нагонот за кашлање. Исто така, идеално е сирупот да биде малку сладок и помалку леплив, бидејќи овие својства го поттикнуваат телото да произведува повеќе плунка, што исто така го навлажнува грлото и на тој начин ја намалува потребата за кашлање.
Комбинацијата на овие три состојки ја ублажува кашлицата токму затоа што ги има сите овие својства.
- Свежо исцеден сок од 2 лимона
- Мед
- Ѓумбир
Измешајте ја изренданата кора од два лимона, четвртина шолја излупен ѓумбир или половина лажичка мелен ѓумбир и една чаша вода во тенџере. Ставете го на оган да зоврие, а потоа намалете го огнот и оставете да врие пет минути, па процедете го во сад отпорен на високи температури. Исплакнете го тенџерето, па во него истурете шолја мед, па загрејте го, но не дозволувајте да зоврие. Потоа додадете го течноста со лимон и ѓумбир и додадете половина чаша сок од лимон. Мешајте ја оваа смеса додека не се добие густ сируп, па претурате ја во чист сад со капак и кога ќе се олади ставете ја во фрижидер.
По потреба можете да му давате на детето една до две лажички на секои два до четири часа, за да ја ублажите кашлицата. Имајте на ум дека децата под една година не треба да јадат мед, поради ризикот од ботулизам.
