Повеќе од 18 месеци од пандемијата на коронавирус се зад нас, а истражувачите неуморно собираат нови податоци за влијанието на вирусот врз телото и мозокот. Истражувањата ја зголемуваат загриженоста за долгорочните ефекти што ги предизвикува Ковид-19, а се уште не е потполно јасно какви се последици остава болеста.
Тимот открил значајни разлики во сивата материја – составена од клеточни тела на неврони кои обработуваат информации во мозокот – кај оние кои имале Ковид и оние кои немале
Еден истражувачки тим се фокусира на тоа какви последици би можел да остави Ковид-19 врз природниот процес на стареење.
Во студија од август 2021 година, истражувачите ги анализирале податоците добиени со снимање на мозокот кај 45.000 луѓе назад до 2014 година. Врз основа на тоа, тие знаеле како изгледал мозокот пред пандемијата.
Истражувачкиот тим ги анализирал снимките, а потоа ги вратил оние на кои им бил дијагностициран Ковид-19 за дополнителни скенирања на мозокот. Тие ги споредиле луѓето кои имале Ковид-19 со учесниците кои немале, внимателно компарирајќи ги групите врз основа на возраста, полот, основниот датум на тестирање и локација на студијата, како и фактори на ризик за болести, како што се здравствените варијабли и социо-економскиот статус.
Тимот открил значајни разлики во сивата материја – составена од клеточни тела на неврони кои обработуваат информации во мозокот – кај оние кои имале Ковид и оние кои немале.
Заразените лица побавно ги обработуваат информациите
Имено, густината и дебелината на ткивото на сивата материја во регионите на мозокот познати како фронтален и темпорален лобус била намалена кај лицата кои имале Ковид.
Кај општата популација, карактеристично е да се види дека густината на сивата материја се намалува со стареењето на една личност, но промените биле значително поголеми од нормалните кај луѓето кои прележале Ковид-19.
Истражувачите откриле дека истата промена се јавила и кај пациенти со тешка форма на Ковид, но и кај оние со благ Ковид.
Понатаму, истражувачите откриле и дека луѓето кои се заразиле со коронавирус ги обработувале информациите побавно во споредба со оние кои не биле заразени, пренесува „Science alert“.
