♦♦♦♦♦♦♦
И претходно се забележани случаи на сериозно неухранети деца, па дури и деца кои умреле откако нивните родители ги хранеле со вегански намирници несоодветни за нивните потреби, пишува „Today“
Во последниот месец, во рок од пет дена, две новороденчиња биле примени на интензивна нега во Детската болница Nemours/Alfred I. duPont во Вилмингтон, САД.
И двете биле хранети со „вегански адаптирано млеко“, кое родителите го направиле сами дома. Децата страдале од хипокалцемија, односно премногу ниско ниво на калциум во крвта и биле примени во болница со проблеми со кардиоваскуларниот и нервниот систем предизвикани од прехранбен дефицит, соопштија официјалните лица од болницата.
Едно од доенчињата во меѓувреме е пуштено од болница, но другото имало сериозни абнормалности на електролитите и претрпело срцев застој, што довело до оштетување на мозокот, информира Никол Фрагале, раководител во детската болница „Немурс“. Тоа бебе сè уште се опоравува во болницата, но повеќе не е на одделот за интензивна нега.
Иако ваквите случаи се ретки, Фрагале истакнува дека е многу загрижувачки што во рок од една недела се појавиле дури два исти случаи. Како што објасни таа, проблемот не е во вегански адаптираното млеко, односно формула, туку во фактот што родителите одлучиле сами да ја направат формулата дома и со тоа ги ризикувале животите на децата.
За оние кои не дојат, единствената опција е формулата од соја. Но, важно е да се знае дека родителите не треба да ја мешаат таа формула – наменета за имитирање на мајчиното млеко – со соино млеко, кое не обезбедува оптимални хранливи материи за раст и развој на детето. Млеко од растително потекло може да се даде на деца кои имаат најмалку една година
„Не мислам дека тоа било намерно занемарување. Тоа било само чисто незнаење за исхраната и она што е соодветно за едно новороденче“, смета таа.
Понатаму, признава дека и самата наишла на „крајно загрижувачки“ рецепти на Интернет за детски формули кои вклучуваат непастеризирано млеко, протеини во прав и додатоци на витамини и минерали наменети за возрасни.
Д-р сци. Александар Сајковски: Веганството и вегетаријанството не се за деца
Детето може да избере да биде веган или вегетаријанец само тогаш кога ќе наполни 18 години и ќе стане полнолетно
Д-р сци. Александар Сајковски, педијатар-неонатолог е категоричен во својот став околу веганството и вегетаријанството кога станува збор за децата.
„Постојат одредени трендови, и вегетаријанството и веганството може да се каже дека се некој начин тренд во последно време, но сите докази покажуваат дека човекот треба да јаде месо, односно детето да јаде месо. И детето може да избере да биде веган или вегетаријанец само тогаш кога ќе наполни 18 години и кога ќе стане полнолетно. Зошто веганството и вегетаријанството не се за деца, тоа е затоа што ние имаме директни докази со ископини коишто се направени врз луѓе и животни кои живееле пред 2,6 милиони години, во составот на нивните коски е пронајдено дека користеле месо во исхраната…, додава д-р сци. Сајковски.
„Кога е во прашање веганската исхрана, исто така, многу важно клучен елемент за развој на едно дете се протеините. Во природата постојат 20 аминокиселини со коишто човекот треба да живее, од кои девет се апсолутно есенцијални, значи ние мора да ги внесеме“, објаснува д-р сци. Сајковски во интервју за Panacea.mk.
Нутритивните потреби на детето се многу специфични, па затоа Американската академија за педијатрија и Управата за храна и лекови на САД предупредуваат да не се користи домашно адаптирана млечна храна за доенчиња бидејќи би можела да содржи премалку или премногу специфични витамини и минерали. Во гореспоменатите случаи во формулите недостасувале калциум и витамин Д, рече Фрагале.
Полесни форми на хипокалцемија може да се третираат со давање орални дози на калциум и витамин Д, но за потешки случаи е потребна интравенска замена, вели д-р Мег Фрицола, шеф на детската интензивна нега во „Немурс“.
Калциумот е потребен за срцето и другите мускули да работат правилно. Кога бебето ќе доживее срцев застој, честопати е тешко да се знае степенот на невролошката повреда и како детето ќе се опорави, рече Фрицола.
Одгледување на веганско бебе
Внимателно испланираната веганска исхрана може да биде здрава и соодветна за сите фази од животот, вклучително и за доенчињата и детството, според Академијата за исхрана и диететика. Односно, вашето бебе може да биде потполно здраво дури и ако го храните исклучиво со храна од растително потекло. Но, во тој случај, Фрагале советува да се започне исхраната со мајчино млеко, кое го нарекува совршена мешавина од витамини, минерали и макронутриенти, како што се протеини, масти и јаглехидрати.
Кога е во прашање веганската исхрана, исто така, многу важно клучен елемент за развој на едно дете се протеините. Во природата постојат 20 аминокиселини со коишто човекот треба да живее, од кои девет се апсолутно есенцијални
За оние кои не дојат, единствената опција е формулата од соја. Но, важно е да се знае дека родителите не треба да ја мешаат таа формула – наменета за имитирање на мајчиното млеко – со соино млеко, кое не обезбедува оптимални хранливи материи за раст и развој на детето, предупредува Фрагале.
Млеко од растително потекло може да се даде на деца кои имаат најмалку една година, додава таа.
При воведувањето на цврста храна, родителите треба да се фокусираат на извори на протеини, внимавајќи детето да конзумира разни житарки, мешунки, јаткасти плодови и тофу. Исто така, треба да обрнат внимание и на внесувањето на витамини Б12 и Д, калциум, железо, протеини и прехранбени влакна, советуваат од Академијата за исхрана и диететика. Може да бидат потребни и мултивитамини.
Сето ова е исклучително важно затоа што и претходно се забележани случаи на сериозно неухранети деца, па дури и деца кои умреле откако нивните родители ги хранеле со вегански намирници несоодветна за нивните потреби, пишува „Today“.
