Бебето многу ика. И иако е преслатко додека го прави тоа, се прашувате дали има причина за загриженост. Но, икањето кај бебињата е многу вообичаено и најчесто не е проблем, велат педијатрите. Всушност икањето повеќе им пречи на родителите отколку на бебето.
Зошто икаат бебињата?
Икањето најверојатно е предизвикано од иритација на дијафрагмата, мускул во основата на белите дробови. Понекогаш тој мускул почнува да се грчи, предизвикувајќи гласните жици да се затвораат, создавајќи го тоа препознатливо “хик!“ – звук што го знаете и од кој малку се плашите бидејќи кога ќе започне не знаете точно кога ќе престане.
Бебињата може да икаат дури и пред да се родат, а многу трудници го почувствувале тоа треперење во стомакот.
Икањето е особено честа појава кај новороденчињата и доенчињата и може да биде предизвикана и од воздухот во желудникот. Ако бебето се хранат прекумерно или голтаат воздух додека се хранат, желудникот може да се прошири и да ја притисне дијафрагмата.
Како да го стопирате икањето?
Ако бебето нема симптоми на гастроезофагеален рефлукс, не грижете се за икањето. Но, ако икањето ви пречи, има некои работи што можете да ги испробате.
- Променете ја положбата за хранење
Обидете се да го храните вашето бебе во исправена положба. Подигнувањето на вашето бебе на перница, за да не лежи рамно, може да му помогне да голта помалку воздух за време на оброците.
- Подригнување
Подригнувањето обично помага при икањето. Подригнете го бебето додека се храните за да спречите икање. Ако бебето се храни со шише, подигнете го да подригне после секои 2-3 милилитри млеко што ќе ги испие.
Ако доите, подригнете го бебето пред да ја смените страната. Ако вашето малечко веќе ика, можете да се обидете да го смирите со нежно тапкање по грбот.
- Цуцлата може да спречи икање
Рефлексот на цицање кој се јавува кога на детето ќе му ставите цуцла во уста, може да помогне да се опушти дијафрагмата. Икањето престанува само од себе и предизвикува тегоби кај бебињата. Затоа не мислете дека треба да одите на лекар.
