Повеќе од 1.500 водечки експерти побараа од британскиот премиер Борис Џонсон да објави јасен план за враќање на децата на училиште пред да „бидат уништени животните шанси на цела една генерација на ученици“.
Во писмото упатено до премиерот, педијатрите предупредуваат дека продолженото затворање на училиштата може да предизвика бран на здравствени, социјални и образовни проблеми што ќе траат „долго после Ковид-19“.
Училиштата се затворени во обид да се спречи ширењето на коронавирусот. Но, официјалните бројки покажуваат дека децата имаат поголема веројатност да бидат погодени од гром отколку да умрат од Ковид-19
Кралскиот колеџ за педијатрија и детско здравје (RCPCH) тврди дека на милиони ученици им недостасува едукација и пријателства, физичко вежбање, па дури и бесплатни вакцини против други болести.
Но, најзагрозените деца во општеството го носат товарот на пандемијата затоа што се надвор од безбедносната мрежа што ја обезбедува училиштето, според експертите. За овие ученици и нивните семејства, интервенциите како што се бесплатни училишни оброци и поддршка за ментално здравје, се „разликата помеѓу преживувањето и напредувањето“, се вели во писмото.
Училиштата се затворени за мнозинството ученици од 20 март во очаен обид да се спречи ширењето на коронавирусот. Но, официјалните бројки покажуваат дека децата имаат поголема веројатност да бидат погодени од гром отколку да умрат од Ковид-19.
Кралскиот колеџ за педијатрија и детско здравје (RCPCH) тврди дека на милиони ученици им недостасува едукација и пријателства, физичко вежбање, па дури и бесплатни вакцини против други болести
Професорот Расел Винер, претседател на RCPCH и член на Научната советодавна група на Владата за итни случаи (SAGE), рече: „На децата им требаат нивните училишта. Секое дете заслужува да има непрекинато образование. Училиштата се од суштинско значење за благосостојбата на децата и младите, обезбедуваат голем број услуги од вакцинации до поддршка на менталното здравје.
И, се разбира, училиштата се местата каде што исто така нашите деца трчаат наоколу, играат, се смеат и се расправаат едни со други. Тие треба да се вратат во таков вид на здрава нормалност што е можно поскоро“, додал проф. Винер.
