Колку доењето да е природна работа, на мајките, особено на оние на кои име прво дете, знае да биде мачно и трауматично. Повеќето жени велат дека ако ги преживеат првите два месеци, подоцна се оди како подмачкано.
Овие едноставни совети можат да ви помогнат во првите ситуации со доењето.
- Најдобро со доење, ако сте породени по природен пат, е да започнете еден час по породувањето. Не го навикнувајте бебето веднаш на цуцла, бидејќи детето може да се збуни, оти тоа само што се навинкува на тоа дека со цицањето добива храна.
- Од почетокот на доењето, па се до престанувањето, може да дојде до запушување на каналите низ кои доаѓа млекото. Кога млекото не може да помине низ млечните канали знаат да се создадат грутки кои се изразено болни за мајката. Градите треба да се масираат, да се пијат доволно течности за поттикнување на производството на млеко и да се побара лекарски совет за да не дојде до појава на поголеми инфекции.
- На почетокот, телото не е сигурно колку млеко треба да произведе, но со тек на време ќе се прилагоди на потребите на вашето бебе. Доколку на едната дојка ви доаѓа повеќе млеко, доите повеќе на другата града – за да дојде до изедначување. Подоите регулирајте ги според потребите на детето, иако начелните препораки се да се дои на секои два часа.
- На почетокот детето доите го така да му ја придржувате главата. А вие сте во седечка положба. Кога малку ќе порасне, може само да му ја држите главата, а вие може да се опуштите во лежечка положба, а детето да го наместите на градата за цицање. Тоа е прекрасно чувство на поврзување на мајката и детето.
