Што можеме да направиме како поединци за да избегнеме инфекција со Ковид-19? Ендрју Добсон, експерт за заразни болести и професор по еволутивна биологија на Универзитетот Принстон, дава пет совети како да не се заразите со делта варијантата на коронавирус, која е позаразна од претходните и се шири многу брзо низ целиот свет.
- Вакцинирајте се
„Не можам доволно да нагласам колку е ова важно. Единствена алтернатива за невакцинација е сериозна болест или смрт од Ковид, бидејќи оваа варијанта не е крај на пандемијата ниту крај на вирусот. Повеќето вакцинирани луѓе не развиваат тешка клиничка слика од делта сојот, а 99,9 проценти од луѓето немале негативни реакции на самите вакцини“, вели д-р Добсон, додавајќи дека иако вакцините се помалку ефикасни во спречувањето на инфекција со делта сојот, тие сепак значително го намалуваат ризикот од смрт. Тој додава дека во иднина, веројатно ќе треба да примаме бустер дози еднаш годишно.
Професорот предупредува дека луѓето умираат поради дезинформации, и дека дезинформациите најчесто ги шират лица кои немаат никаква врска со медицината
- Продолжете да носите маска
Професорот објаснува дека ако заразено лице дише во близина на здраво лице без никаква заштита на лицето, шансите за пренесување на инфекцијата се поголеми. Од друга страна, тој посочува дека носењето маска значително го намалува ризикот од инфекција.
„Тоа е едноставна мерка што ве штити вас и другите од инфекција. Општо земено, се препорачува да носите маска секогаш кога излегувате од дома, а особено кога влегувате во некоја просторија. Носењето маска е добра навика која треба да се развие во контекст на вирусот. Делта нема да биде последна варијанта, згора на тоа, новите ќе бидат се повирулентни и позаразни“.
- Одржувајте физичка дистанца
Колку што е можно избегнувајте близок контакт со луѓе.
Професорот Добсон наведува дека меѓу 50 и 60 проценти од новите случаи на корона се без симптоми, и дека асимптоматските случаи се најодговорни за пренесување на вирусот. Неговиот совет е што помалку да престојувате во затворени простории, и целосно да ги избегнувате рестораните и ноќните клубови.
„Колку и да е тешко принесувањето вакви жртви, ние мора да направиме одредени промени во животниот стил за да може што повеќе луѓе да останат здрави. Ако пак се собирате, осигурајте се дека сите се целосно вакцинирани“, советува професорот.
- Намалете ги патувањата
После толку време борба против вирусот, ограничувања и се, луѓето имаат потреба да патуваат, што е нормално. Сепак, инфектологот предупредува дека при патување, без разлика дали е со авион, такси или превоз до аеродром и слично, има многу можности кога може да се заразите.
Се разбира, некои патувања се неизбежни, но во такви случаи ќе ви помогне да носите маска, да држите дистанца, редовно да ги миете рацете…
- Слушајте ги стручните лица
Професорот предупредува дека луѓето умираат поради дезинформации, и дека дезинформациите најчесто ги шират луѓе кои немаат никаква врска со медицината. Во оваа ситуација, кога целиот свет се бори против вирусот, здраворазумно е да се слушаат само стручни лица.
Игнорирајте ги приказните за коронавирусот на сите оние кои не се стручни да зборуваат за тоа и верувајте им на лекарите, бидејќи тие дефинитивно имаат поточни и попрецизни информации од некој, кој ете едноставно има пристап до Интернет, пренесува „Eat This Not That“.
