Според мислењето на детските психолози, тантрумите се емоционални изливи на бес кај децата на возраст од 1 до 5 години. Тие се појавуваат како ненадејни, неконтролирани епизоди на лутина и плачење, во повеќето случаи без видлива причина.
Повеќето родители чувствуваат непријатност и фрустрација кога нивното дете проживува епизода на тантрум, па затоа е добро да се знае дека постојат неколку видови на вакви испади, а соодветно на тоа и начини како да се реагира на нив.
- Привлекување внимание или изразување конкретно барање
Децата влегуваат во тантрум за да се обидат да добијат контрола над своите родители, а тоа обично го прават за да го привлечат вниманието кон себе, без разлика дали се љубоморни на братот или сестрата или за да добијат малку време со едниот родител.
Психолозите сметаат дека во оваа ситуација детето се чувствува изолирано и запоставено и најдобро е да го оставите да се смири.
Откако детето ќе се смири, обидете се да разговарате со него и да ја дознаете причината за изливот на бес. Ако поминувате премалку квалитетно време со вашето дете, потрудете се тоа да го промените, но со одредено временско растојание, за да не влезете во круг на манипулативно однесување.
- Фрустрација или замор
Овој тип на тантрум е чести, а тоа е знак дека вашето дете е сè уште мало и нема контрола над своите чувства и емоции. Порадитоа плаче и станува раздразливо.
Може да биде фрустриран затоа што не разбира што барате од него или што очекувате. Ако е така, важно е да поминете време разговарајќи со детето на негово ниво. Исто така, добро е да ги пофалите неговите достигнувања и труд, бидејќи така ќе му ја зајакнете самодовербата.
Од друга страна, причина за тантрумот може да биде замор. Тогаш само одведете го во кревет и оставете му време да се одмори.
- Одбивање на послушност
Овој вид на тантрум се појавува кај деца кои одбиваат да одат да спијат, во јасли или градинка или не сакаат да ја завршат задачата што им е доделена. Пред сè, важно е да не се дозволи манипулација поради очигледна тага или лутина на детето.
Понекогаш е можно да се избегнат разни видови на тантруми, со тоа што однапред ќе му кажете на вашето дете што да прави.
- Деструктивни тантруми
Овој тип на тантрум се манифестира со агресија, а е непријатен и за детето и за родителот. Покрај врескање и плачење, детето може да удира луѓе во близина или да фрла предмети.
Однесете го детето на мирно место и оставете го да се смири. По 10 минути, обидете се да воспоставите комуникација во која ќе му објасните зошто не треба, на пример, да удира други луѓе.
- Самодеструктивни тантруми
Станува збор за емоционални испади при кои детето целосно ја губи контролата и на крајот повредува другите луѓе, па дури и себеси.
За да избегнете незгоди, држете го детето цврсто во прегратка, разговарајќи со него, но со мирен и присебен тон. По неколку минути ќе се смири.
Важно е никогаш да не се откажете од разговорот и објаснувањето на негативните последици од таквото однесување. Го учите детето на поинаков начин на покажување негативни емоции и несогласувања кои ги исклучуваат агресивните форми на однесување.
Децата ретко се однесуваат пресметано и намерно, а до 5-годишна возраст немаат контрола врз своите емоции или постапки поради едноставниот факт дека нивниот мозок се развива и се уште не научиле да се согледаат себе и своето однесување.
