Ако имате повеќе од едно дете, навигирањето низ родителството е уште покомплицирано. Сепак тука се и односи меѓу децата што треба да ги одржувате и да внимавате дека се посветувате на сите деца подеднакво.
Повеќе деца значи повеќе активности на кои треба да присуствувате, повеќе расправии што треба да ги решите. Секако, кога сето ова ќе се појави, најголемата желба на секој родител е да биде праведен и подеднакво фер кон сите свои деца. Секое дете да чувствува дека му се дава иста количина емоции, љубов и поддршка.
Тоа е најправилното нешто, ќе речете веднаш. Но, експертите, верувале или не ќе ве демантираат.
„Не мора секогаш да бидете фер кон вашите деца и да поминувате часови размислувајќи дали сте донеле правилно сте одлучиле или не. Од едноставна причина. Животот не е фер, а ниту луѓето. И вашето дете ќе го почувствува тоа порано или подоцна“, објаснуваат тие.
Значи, ако не сте секогаш праведни и сте свесни за тоа, не се критикувајте премногу. Моментот на неправда е всушност момент на учење многу вредна лекција.
И да додадеме една мудра забелешка од експертите: обидот на родителите да бидат секогаш праведни не е само нереалистичен, туку и неодржлив. Да не зборуваме колку исцрпувачки може да биде.
На крајот, сите сакаме нашите деца да пораснат силни и отпорни и да не се скршат еден ден кога ќе ја доживеат својата прва неправда, туку да ги надминат тешкотиите користејќи ги вештините што ги стекнале во детството.
Исто така, нагласуваат експертите, ако сте родител на 10-годишно и 3-годишно дете, никогаш нема да можете да се однесувате подеднакво кон нив и да бидете праведни кон двете, бидејќи тоа е едноставно невозможно. Децата од различни возрасти, полови и личности имаат различни потреби и бараат различни пристапи.
Кога децата се на слична возраст, ова „неправедно“ однесување може да биде поизразено, па можеби се прашувате како да го решите?
„Отворената комуникација со децата е секогаш најдоброто решение. Објаснете со едноставни зборови зошто имате различни пристапи, стандарди и очекувања. Објаснете им на помладите деца дека како што растат, тие исто така ќе добиваат поголема слобода и повеќе можности… “, објаснуваат експертите.
Не е лошо, додаваат тие, да се одржи тој фамозен говор за тоа како животот не е секогаш фер, но кога ни се случува неправда, треба да се зацврстиме и да продолжиме понатаму.
