♦♦♦♦♦♦♦
Американскиот центар за контрола и превенција на болести на 17 март објави дека од почетокот на пандемијата со Ковид-19, 226 американски деца на возраст од 17 години и помлади ги загубиле своите животи како резултат на вирусот.
Испитувањата на вакцини против Ковид-19 за деца на возраст од 12-17 години се во тек, а „Модерна“ неодамна објави дека ја тестира вакцината кај деца под 12 години, вклучувајќи бебиња од 6 месеци и постари.
Додека траат испитувања на вакцините против COVID-19 кај деца, стручњаците апелираат да се разговара со децата на оваа тема, за да можат да разберат што навистина се случува и да им го олеснат чувството на беспомошност
Д-р Ричард Ван Енк, директор за превенција на инфекции и епидемиологија од „Bronson Health Care“, рече дека педијатриските вакцини би можеле да бидат „гејм ченџер“.
„Навистина прави голема разлика ако сите во домаќинството се имунизирани“, рече Ван Енк. „Ако ја игнорирате таа популација, тогаш се уште имате резервоар за вирусот во вашата заедница и не го сакате тоа, така што за да ја покриете целата популација, навистина треба да ги имунизирате и помладите луѓе“.
Ван Енк рече дека вакцинирањето на децата ќе донесе крај на пандемијата многу порано. Тој рече дека некои деца исто така имаат сложени медицински состојби, што ги става во ризик за понатамошни компликации од Ковид-19.
Испитувањата на вакцини против Ковид-19 за деца на возраст од 12-17 години се во тек, а „Модерна“ неодамна објави дека ја тестира вакцината кај деца под 12 години, вклучувајќи бебиња од 6 месеци и постари
„Луѓето мислеа дека Ковид-19 не влијае врз децата, но ги афектира и тоа може да биде многу сериозно, така што навистина би сакале да ги заштитиме овие деца“, рече Ван Енк.
Експертите велат дека е важно да се разговара со децата за вакцината за да можат да разберат што навистина се случува и да им го олеснат чувството на беспомошност.
„Додека слушаме дека вакцината сега се тестира кај децата, интересно е да се размисли за децата за време на оваа пандемија“, вели Тера Таранго, главен службеник за образование на институтот Ван Андел во Гранд Рапидс. „Децата генерално можат да се чувствуваат по малку немоќно, беспомошно, затоа што во нивниот свет има толку многу работи што не можат да ги контролираат, а потоа доаѓа нешто како ова, пандемија на врвот на сето тоа, што навистина може да го влоши чувството на немоќност“.
Таранго вели дека дека е важно, доколку децата покажуваат стрес околу пандемијата, родителите да им помогнат да разберат што прават научниците за да го намалат тој стрес. (WWMT)
