1. Делта варијантата е попренослива и болниците ќе бидат преоптоварени
На почетокот на август, д-р Ентони Фаучи, главен медицински советник на американскиот претседателот и директор на Националниот институт за алергија и заразни болести, рече дека лицата кои не се вакцинирани се во опасност. Дури и ако сте вакцинирани, сепак сте во ризик, иако во помал степен.
Д-р Грегори Поланд од клиниката „Мајо“ заедно со неговиот тим ја проучуваат имуногенетиката на одговорот на вакцината кај возрасни и деца. Поланд верува дека болниците ќе продолжат да се преплавуваат со болни лица и делта варијантата ќе се шири неконтролирано се додека не се вакцинираат повеќе луѓе
„Вирусот со кој се соочуваме е различен вирус од оној со кој се занимававме пред неколку месеци и треба да се справиме со реалноста за тоа“, рече Фаучи.
Тоа е и „позастрашувачки“ вирус, нагласи Фаучи.
„Дури и лицата кои се вакцинирани, иако се во голема мера заштитени од сериозна болест, сепак можат да се инфицираат, па дури и да го пренесат“, рече Фаучи.
Д-р Грегори Поланд од клиниката Мајо заедно со неговиот тим ја проучуваат имуногенетиката на одговорот на вакцината кај возрасни и деца. Поланд верува дека болниците ќе продолжат да се преплавуваат со болни лица и делта варијантата ќе се шири неконтролирано се додека не се вакцинираат повеќе луѓе.
2. Колку варијанти на Ковид-19 постојат? Ќе има ли нови?
Во моментов, Светската здравствена организација верува дека низ светот циркулираат најмалку 17 варијанти на Ковид-19, вклучително и новата за која можеби сте слушнале: Му. Поланд и неговиот тим собираат податоци за нив и нагласуваат дека е важно да не се фокусираме на варијантата, туку на „неодложната потреба“ од вакцинација за да се спречи ширењето.
„Сегашните вакцини штитат од тешка болест, смрт и хоспитализација од сите познати варијанти што моментално циркулираат“, вели Поланд.
3. Колку е опасна делта варијантата?
Коронавирусот SARS-CoV-2 што предизвикува Ковид-19 продолжува да мутира и ја произведе варијантата делта што моментално циркулира. ЦДЦ смета дека делта коронавирусот е „варијанта на загриженост“, бидејќи може полесно да се пренесе меѓу луѓето. Во моментов се смета за најзаразна форма на коронавирусот SARS-CoV-2 досега.
- „Делта варијантата придонесува за побрзо и пошироко ширење на Ковид-19, особено кај невакцинираните“, рече Поланд
Тоа ги вклучува и децата. Марк Липсич, епидемиолог на Харвард Т.Х. Чан Школата за јавно здравје, за време на виртуелен брифинг истакна дека очекуваат да се зголеми бројката на случаи на Ковид-19 по отворањето на вратите на училиштата.
„Има добра причина да веруваме дека делта варијантата е позаразна за децата и од децата отколку постарите варијанти, и тоа значи дека на општествено ниво гледаме поголем број случаи во сите возрасни групи, вклучително и кај децата“, рече Липсич.
Сепак, децата се со помала веројатност да доживеат тешка форма на Ковид-19 во споредба со возрасните, рече тој.
„Јасно е дека вакциниран возрасен заразен со делта сојот може да зарази дете, и без разлика дали тоа се случува со голема фреквенција, ќе биде важно истражувачко прашање во наредните недели“, рече Липсич.
4. Како да останете безбедни секој ден
Вакцинирајте се што е можно побрзо, бидете особено внимателни ако живеете во област со ниски стапки на вакцинација, носете маска за лице N95, не патувајте, држете дистанца, избегнувајте големи гужви, одбегнувајте затворени простории со непознати луѓе, практикувајте добра хигиена на рацете… (Eat This, Not That)
