“Податоците кои се појавуваат, а се добиени од конкретни докази, покажуваат дека две дози вакцина штитат од делта варијантата на коронавирусот“, вели Марко кавалери, задолжен за стратегија на вакцинарање во Европската агенција за лекови – ЕМА.
Бројот на заразени со КОВИД-19 повторно расте во Европа од минатата недела, по десет последователни недели на пад на бројките, соопшти европската канцеларија на Светската здравствена организација (СЗО), додека се шири бранот на заразната делта варијанта на коронавирусот.
“Свесни сме дека владее загриженост поради брзото ширење на делта варијантата“, додава Кавалери.
“Во моментов, се чини дека четирите вакцини одобрени во Европската унија штитат од сите соеви што циркулираат во Европа, вклучувајќи ја и делта варијантата “, вели тој.
Во моментов, ЕМА во ЕУ одобри употреба на четири вакцини: Pfizer / BioNTech, Moderna, AstraZeneca и Johnson & Johnson.
Европската канцеларија на СЗО предвидува дека таканаречената делта верзија, прв пат откриена во Индија, ќе преовладува до август, потврдувајќи ја проценката на Европскиот центар за превенција и контрола на болести (ECDC).
