Дете во родителскиот кревет е секогаш поделено прашање – многумина превртуваат со очи на родителите кои се „премногу слаби“ за да го префрлат детето во свој кревет, додека вторите веруваат дека тоа е подобро за емотивниот развој на детето.
Според истражувањата, децата треба да бидат во кревет со своите мајки до тригодишна возраст бидејќи тоа е добро за нивното срце.
Најновите истражувања покажуваат дека децата треба да го делат креветот со мајките до тригодишна возраст бидејќи тоа е добро за нивното срце. Ова тврдење го изнел педијатар кој забележал дека бебињата одвоени од мајките спијат многу понемирно од оние кои можеле да заспијат свиткани во прегратките на својата мајка. Тој исто така тврди дека срцата на децата кои спиеле во креветчиња биле под поголем стрес.
Исто така, одвоеното спиење наводно го отежнува поврзувањето на мајката и детето, како и развојот на мозокот, а подоцна може да доведе до непожелно однесување кај децата.
Д-р Нилс Бергман, од Универзитетот во Кејп Таун во Јужна Африка, смета дека децата дефинитивно треба да ги поминат првите неколку недели од својот живот спиејќи со мајките и тоа на нивните гради, заради што пооптимален развој. После тоа, децата треба да продолжат да го делат креветот со своите мајки додека не наполнат околу три години.
Други студии, оние кои зборуваат за можноста родителите да го повредат своето дете на начин да во текот на ноќта се стркалаат врз него или да го задушат на кој било друг начин, жестоко се спротивставуваат на таквите теории. Во една неодамнешна студија спроведена во Велика Британија, две третини од ненадејните смртни случаи на доенчиња се случиле додека го делеле креветот со родителите.
Доктор Бергман верува дека постојат и други причини за смрт на доенчиња, како што се неисправни играчки, преголеми перници, токсични мириси…
Тој спровел истражување на 16 новороденчиња, од кои некои спиеле на градите на својата мајка, други сами во креветчиња. Срцата на оние во креветчињата биле под три пати поголем стрес од оние на градите на мајката.
