„Фајзер“ и „Бионтек“ побараа од американските регулаторни тела вонредно одобрување за нивната вакцина против Ковид-19 за деца на возраст од 5 до 11 години, објави Фајзер денеска на Твитер.
Агенцијата за храна и лекови на САД (ФДА) свика состанок на надворешни советници на 26 октомври за да разговара за барањето на Фајзер за употреба на нивната вакцина против Ковид-19 кај деца.
Во случај на зелено светло, децата би можеле набрзо потоа да започнат да ја примаат вакцината на „Фајзер“ и „Бионтек“. Брзото одобрување би можело да го спречи зголемувањето на инфекциите кај децата во текот на есента, со оглед на тоа дека училиштата низ целата земја воглавно се отворени.
- „Фајзер“ и „Бионтек“ многу брзо, еден месец по апликацијата, добија одобрение за употреба на нивната вакцина кај деца на возраст од 12 до 15 години
Иако децата не се подложни на потешки форми на Ковид-19, властите велат дека можат да го пренесат вирусот на постарите лица кои поради постоечките здравствени проблеми се повеќе изложени на ризик од другите.
