“Едно од поинтересните сеќавања од детството што ги имам за својата мајка е фактот дека речиси никогап не го погодила моето име од прв обид. Секој пат кога и требаше нешто од нас, завршуваше викајќи ги сите три имиња на нејзините ќерки, а понекогаш и имињата на нејзините сестри, ннашите тетки. Секогаш тоа беше некоја комбинација на нашите имиња додека не го погоди она кое навистина треба да го каже. Тоа звучеше Шелби-Меган-Лина-Меган-Чауни“, пишува оваа мајка на четири деца.
Во таа насока таа сподели интересно истражување за честиот феномен “мешање на имиња“ и објаснува зошто токму мајкте толку често ги мешаат имињата на своите деца.
- Зошто тоа се случува?
Како дете, вели оваа мајка, често знаев да се смеам за тоа дека мајка ми никогаш не може да ни го погоди име. Не ми беше јасно како толку често и се случува да ги измеша нашите имиња. Она е таа која ни ги одбрала, зарем не? Дали навистина е толку тешко и да ги запомни?
Секако, се смеев се до оној момент додека и сама не станав мајка. Тогаш и јас ја продолжив традицијата на мајка ми и почнав да ги мешам имињата на своите четири деца.
Студија го истражувала феноменот на “мешање на имиња“, а вклучувала повеќе од 1700 испитаници. Повеќето од учесниците биле погрешно нарекувани, секако од нивните мајки. Меѓутоа, несреќи со имињата се појавиле кај речиси сите членови на семејството и пријателите. Поединци кои самите ги помешале имињата објасниле дека тоа е поврзано со фактот што некои имиња звучат слично. Но, најчестото мешање на имиња се појавува од сосема друга причина, а тоа е љубовта!
Научниците уверуваат дека ако некој кој не вика, тоа го прави со погрешно име, тоа е резултат на нивната блиска врска со нас. “Со други зборови, колку сте поблиски некому, толку е поверојатно дека ќе го измеша вашето име“, се наведува во истражувањето.
Според истражувањето, причината за тоа е начинот на кој функционира нашиот мозок. Мозокот ги организира информациите во поврзани групи кои ги нарекуваме семантички мрежи. Семантичките мрежи ги групираат информациите заедно за да можеме полесно да ги “дофатиме“ подоцна.
