Канадска студија во која учествувале 995 близнаци покажала дека гените имаат значително влијание врз времетраењето на спиењето на децата во текот на ноќта, додека околината има поголемо влијание врз дневниот сон.
Студијата ги анализирала одговорите на родителите кога нивните деца биле на возраст од шест, 18, 30 и 48 месеци. Повеќето од децата кои учествувале во истражувањето спиеле 10 или 11 часа во текот на ноќта.
Исто така, се покажало дека спиењето е повеќе фрагментирано отколку што првично се мислело, имено голем број деца се буделе дури три пати во текот на ноќта.
Друга, одделна студија укажала на врската помеѓу недоволното спиење во текот на ноќта и зголемениот ризик од обезност кај децата. Оваа студија истакнала дека попладневното спиење не е соодветна замена за ноќниот сон во смисла на спречување на прекумерна телесна тежина кај децата.
Извор: Pediatrics
