Како родители, знаеме или претпоставуваме што е добро за нашите деца и кои се животните вредности што сакаме да им ги всадиме преку воспитувањето. Но, кога нè фаќа паника и не знаеме на кој начин повеќе да ги увериме да го поправат своето однесување, мислиме дека сè пропаднало и отишло во ветар и почнуваме да применуваме некои методи кои на крајот се контрапродуктивни.
Од друга страна, ние самите се наоѓаме во некои животни околности кога реагираме погрешно, всушност спротивно од она што сакаме да ги научиме, а децата се впиваат како сунѓери. Затоа, еве на кои работи никогаш не треба да го присилувате детето.
Да лаже за вас. Затоа што лажењето очигледно е погрешно. Ако вашата мајка ви се јавува на мобилниот телефон, а вие навистина не сте расположени за разговор, лесно влегувате во искушение да му кажете на вашето петгодишно дете да се јави и да и каже на баба дека сте отишле во продавница. Но, вашето дете забележува дека вие не гледате ништо лошо во лажењето, па тоа ќе го прифати како модел на неговото однесување. И така ќе се изверзира во лажењето што нема ни да забележите дека тоа го прави секој ден.
Да јаде ако не е гладно. Да, лекарите сметаат дека децата треба да имаат три главни оброци дневно или пет помали оброци, но секое дете е различно. Не плашете се, вашето дете нема да умре од глас ако има на располагање храна. Ако го присилувате детето да јаде кога не е гладно може да има долгорочни последици, како што е некое нарушување во исхраната.
Да се биде она што не е. Ако вашето дете е срамежливо, прифатете ја неговата срамежливост. Не го присилувајте да биде дружељубиво ако навистина сака да се дружи само со еден пријател и не го интересираат другите деца. Истото важи и за друштвените деца. Ако сака постојано да биде опкружено со други деца, дозволете му да ужива во дружењето колку што можете повеќе.
Да се извини иако не знае што погрешило. Кога вашето дете ќе се скара со својот врсник во парк, не го присилувајте да се извини ако не може да види дека погрешило. Прво, одвојте време да му објасните што се случило и за што треба да му биде жал.
Да се поздравува непознати луѓе. Ако детето не се чувствува пријатно кога го поздравува непознато лице и не сака да му возврати на поздравот, тоа е во ред. Вашето дете не е непристојно или безобразно, едноставно не сака да пушти некого во неговиот интимен простор.
Да спие во свој кревет ако не е подготвено за тоа. Децата се одлучуваат за промени кога се спонтано подготвени за нив, па не е добро да се инсистира ниту на самостојно спиење. Признајте, дали некогаш сте виделе 10-годишно дете како спие со мама или тато? Како што растат и се развиваат, децата спонтано ја бараат својата приватност и автономија и така е со сите промени.
Да се дружи со деца кои не му се допаѓаат. Дури и ако сте најдобри пријатели со родителите на споменатото дете. Вашето дете е личност и има право да избере кои луѓе му се допаѓаат, а кои не, кои ќе му станат пријатели, а кои не, исто како и вие.
Да истрае во започнатите активности. Децата се запишуваат на некоја активност затоа што тоа го прават нивните другари од градинка или од одделение и по некое време сакаат да се откажат. Вам ви се чини како да дозволувате откажување. Но, тоа не е така. Дозволете им да се обидат, а потоа дадете им простор да донесат одлука. Зошто да го принудите детето да се вклучи во активност што ја мрази? На овој начин, тие не само што нема да успеат да ги откријат своите таленти и да ги развијат, туку само ќе бидат длабоко фрустрирани.
Да преспие таму каде што не сака. Ако вашето дете не е од оние што може да преспие каде било, дури и ако е кај баба и дедо, не го форсирајте. Ако сакате слободен викенд, подобро е да дојдат бабите и дедовците кај вас, а вие да ја поминете вечерта надвор.
