Да се натераат децата да слушаат може да биде предизвик, а кога тие едноставно не попуштат, може на памет да ни падне казнување. Но, понекогаш е важно да се запрашаме дали овие казни навистина функционираат и дали ги подучуваат на вредностите и целите што сакаме да им ги пренесеме на нашите деца. Детскиот терапевт, Кетрин Книбс, ја открива грешката број еден што ја прават родителите кога ги дисциплинираат своите деца.
На пример, ако дознаеме дека нашите деца се уште не ја напишале домашната задача, туку цело попладне го поминале пред екран, често помислуваме како казна да им ги одземеме мобилните телефони, таблетите, видео игрите и слично. . За жал, Книбс тврди дека оваа казна не функционира.
Кога им ги одземаме мобилните телефони на децата, го нарушуваме нивниот социјален живот
Книбс објаснува дека кога на нашите деца им ги одземаме мобилните телефони, таблетите и слично, всушност им го нарушуваме социјалниот живот. Ова создава јаз меѓу нас и нашите деца. Тогаш, тие се вознемируваат затоа што не можат да разговараат со другарите и почнуваат да се однесуваат поладно и понепријателски кон нас. Истиот ефект го има и одземањето на видео игрите.
Затоа најдоброто нешто што можеме да направиме е да разговараме со нив, вели Книбс. Можеме да кажеме нешто како: „Разбирам дека домашната задача е напорна работа. Не те обвинувам што сакаш наместо тоа да играш видео игри“. После тоа можеме да го испитаме нивниот процес на размислување. „Откријте кои се нивните цели, а потоа прашајте ги дали мислат дека нивните цели бараат напорна работа“, вели Книбс.
Ако имаат Јутјубер или некоја друга личност како пример, можеме да им поставиме прашања поврзани со тоа, на пример: „Значи, вие сакате да бидете Јутјубер како оваа личност? Дали мислите дека неговата работа е секогаш забава и игри, или мислите дека дел од неговата работа бара и напорна работа?”
Со ваквото испрашување можеме да ги поттикнеме да ги завршат своите задачи, да останат доследни и да ги користат своите цели како мотивација, заклучува терапевтот.
