Можеби вашето дете е премногу мало за да ви каже дека го боли грлото, но ако се сомневате дека причината за неговото лошо расположение и апетит е гнојната ангина, однесете го на лекар. Гнојната ангина (фарингитис) како болест кај децата најчесто се јавува ненадејно, придружена е со покачена температура и болки во грлото, кои се зголемуваат при голтање.
Гнојната ангина е често воспаление кај децата, а освен грлото ги зафаќа и крајниците (тонзилите), поради што за неа се користи и името тонзилофарингитис. Според начинот на настанување, ангината може да биде примарна или секундарна.
Примарната ангина која најмногу им е позната на родителите е онаа предизвикана од стрептококи, а другите се Плаут-Винсентова, дифтерична и туларемична. Ако се работи за примарна ангина, воспалението е во самото грло. Секундарната ангина е резултат на компликација на друга болест и се јавува најчесто поради слабеење на имунитетот. Во повеќето случаи, тие се резултат на вирусни инфекции на горниот респираторен тракт, но и воспаление на увото.
Ако детето има гнојна ангина неколку пати годишно, се работи за акутно, повторливо воспаление. Хронично воспаление е во прашање доколку гнојната ангина трае подолго од три месеци.
Бидејќи оваа болест се пренесува преку капки, односно со кашлање, кивање, доаѓање во контакт со содржината од носот или грлото на болниот, многу лесно се пренесува меѓу децата. Ова е особено изразено во колективите, посебно во градинките, пониските одделенија од основното училиште, за време на групни активности…
Симптоми
Симптомите на гнојна ангина се лесно забележливи, особено кај децата. Вашето дете најпрво ќе ве извести дека нешто не е во ред со неговото расположение, а можете да ги очекувате и следните симптоми:
- болка во грлото,
- црвенило на грлото и отежнато голтање,
- зголемени крајници, обложени со бели и/или жолтеникави дамки,
- губење на апетит,
- лош здив,
- покачена телесна температура (над 38,5°C),
- отечени жлезди на вратот,
- главоболка,
- засипнатост,
- осип на кожата или устата,
- кашлица и течење на носот,
- гадење и повраќање,
- стомачни болки,
- замор,
- воспаление на слузницата на очите.
Како се пренесува
Бидејќи оваа болест се пренесува преку капки, односно со кашлање, кивање, доаѓање во контакт со содржината од носот или грлото на болниот, многу лесно се пренесува меѓу децата. Ова е особено изразено во колективите, посебно во градинките, пониските одделенија од основното училиште, за време на групни активности…
Хируршкото отстранување на крајниците не се прави толку често како порано, но доколку лекарите сметаат дека тоа е најдоброто решение за вашето дете, треба да размислите за тоа. Отстранувањето на крајниците се препорачува кај деца кои страдаат од повторени, тешки и долготрајни инфекции
Покрај ослабениот имунитет, гнојната ангина може да се појави и како последица на активирање на микроорганизми од телото. Може да ја предизвикаат и некои надворешни фактори како што се вдишување чад од различни извори. Настинките, кариесот и заболувањето на непцата исто така може да ја зголемат можноста да се разболите.
Третман
Доколку лекарот со преглед и анализи утврди дека се работи за бактериска инфекција, на вашето дете ќе му препише антибиотици.
Во случај да не се потребни антибиотици, најважно е да му обезбедите мирување и одмор на детето. Погрижете се детето да јаде редовно, за да ја задржи силата и виталноста. Веројатно поради болките во грлото нема да биде многу расположено за оваа активност, но поттикнете го нудејќи му храна која нема да ја одбие. Тврдата храна не доаѓа предвид, за да се избегне дополнително оштетување на слузокожата, ниту пак топла храна поради воспалението. Можете да му понудите нешто ладно, зошто да не и сладолед.
За да спречите дехидрација, внимавајте на внесот на течности. Се препорачуваат овошни сокови, вода и разладен чај. Вашиот педијатар исто така може да ви препорача и некое средство за плакнење на грлото или за ублажување на болката.
Хируршкото отстранување на крајниците не се прави толку често како порано, но доколку лекарите сметаат дека тоа е најдоброто решение за вашето дете, треба да размислите за тоа. Отстранувањето на крајниците се препорачува кај деца кои страдаат од повторени, тешки и долготрајни инфекции.
