Доколку вашето бебе делумно или целосно се храни со млечна формула, постојат неколку работи кои задолжително мора да ги знаете. Овие, велат педијатрите, се најважните.
Придржувајте се на упатствата за подготовка на млекото
Многу е важно при подготовка на адаптирано млеко, да внимавате на упатствата. Користете исклучиво мерач на брендот што сте го избрале и внимателно измерете ја количината на прав. Водете сметка и за температурата на водата.
Внимателно бирајте вода за бебето
Која вода да му се даде на бебето, е често прашање на новите мајки. Бидете внимателни со изборот, оти дури и нискоминералните негазирани води наменети за бебе, не се погодни за деца помлади од шест месеци. Затоа, пред употреба задолжително проварете ја.
Внимавајте на хигиената
Подготвеното млеко не го чувајте подолго од што е препорачано. Исто така, строго водете сметка за хигиената на приборот и рацете при подготвока на адаптираната формула.
Не мешајте мајчино млеко и формула
Кога ќе се измолзете, можете веднап да го употребите млекото или да го измешате со веќе измолзено млеко кое го чувате во фрижидер, но никако не треба да го мешате со формула, вода или било што друго.
