Иако повеќето светски здравствени институции во своите програми препорачуваат редовни оброци на маса, за сега не постои научно истражување кое би ја потврдило тезата дека вечерањето на целото семејство на иста маса спречуваат дебелеење кај децата.
Од каде тврдењето дека заедничката вечера ги прави децата послаби?
Неколку истражувања следеле колку семејствата во Америка се придржуваат кон препораките дека треба заеднички да јадат, а новинарите од тоа истражување извлекле заклучок дека праксата за заеднички ручек ги намалува шансите за дебелеење кај децата, а потоа го поврзале со истражувањето кое открило дека лицата кои јадат на маса, јадат помала количина од оние кои јадат пред телевизор.
Досега нема истражување кое би потврдило дека децата кои јадат со семејството на маса ќе избегнат дебелеење, доколку родителите не се придржуваат и кон останатите препораки за создавање на позитивни влијанија на навиките кај децата поврзани со храната, а тоа се:
- Јадете заедно со децата
- Седете заедно со децата за време на оброкот
- Сервирајте во голема чинија наместо секому поединечно, за децата сами да сервираат која храна сакаат да ја јадат и колку сакаат
- Помогнете му на детето да препознае глад и ситност и вербално да ги изразува
- Не му ја ограничувајте храната на детето, и не му создавајте притисок дека мора да јаде
- Бидете им пример на вашите деца како треба здраво да се хранат
- Учете ги децата што е здрава храна
- Охрабрете ги децата секогаш да јадат разновидно и балансирано
