Деветте месеци кои претходат на породувањето ќе остават последица по вашето тело. На сите им е јасно дека бременоста го менува телото и дека некои последици, како оние со вишок килограми, ќе бидат потрајни од другите. Но, може да се соочите и со некои целосно неочекувани промени за кои никој не ви кажал.
ВКУС
Хормоналните промени кои се случувале во текот на бременоста може да бидат главен виновник за тоа што одеднаш ќе развиете љубов кон намирници кои претходно не сте ги поднесувале.
КОЛКОВИ
За време на породувањето, карличните зглобови и лигаменти се шират за бебето да помине низ родилниот канал, а кај некои жени пошироки колкови остануваат како потсетник за тоа.
ГРАДИ
Тие се менуваат во текот, но и по бременоста и тоа независно дали доите или не. Ќе забележите промени во големината, но и во формата, па некои жени се жалат на тоа дека градите им се помалку еластични од пред бременоста, додека други тврдат дека не забележуваат никакви промени.
