Постојат добри докази дека луѓето кои се заразени, кои немаат никакви симптоми и се чувствуваат добро, можат и ја шират инфекцијата со КОВИД-19,
Д-р Ашиш К Џа, директор на Глобалниот здравствен институт Харвард
Научниците од Харвард ја критикуваа Светската здравствена организација (СЗО) за тврдењето дека асимптоматските пациенти не го шират коронавирусот.
Во понеделникот, здравствената агенција на ОН соопшти дека се сомнева дека вирусот е тешко да се запре поради луѓе без симптоми како што се треска, кашлица или останување без здив.
„Од податоците што ги имаме, се чини дека е се уште ретко асимптоматска личност да ја пренесе болеста на секундарна личност“, истакна д-р Марија Ван Керхов, експерт од СЗО, на прес-конференција. „Тоа е многу ретко“, додаде таа.
Но, истражувачите од Харвард велат дека СЗО „создала конфузија“ и дека мноштво докази сугерираат дека лицата без симптоми можат и лесно го прават тоа, го шират коронавирусот.
Глобалниот здравствен институт Харвард соопшти дека истражувањата покажуваат дека луѓето без симптоми на КОВИД-19 ја шират оваа болест и дека „СЗО создава конфузија сугерирајќи поинаку“.
Според Институтот, коментарот на СЗО бил заснован на „докази од државите-членки“ кои сè уште не се споделени со научната заедница.
Треба да продолжиме да носиме маски, социјално да се дистанцираме и да миеме раце
„Заканата од асимптоматско ширење е реална и суштинска“, рече д-р Ашиш К Џа, директор на Глобалниот здравствен институт Харвард.
Д-р Џа изјави дека околу едно од пет лица кои се заразиле со КОВИД-19, болест предизвикана од вирусот, никогаш не развива симптоми. „Тие се чувствуваат добро во текот на болеста“, рече тој.
„Јас би рекол дека постојат добри докази дека луѓето кои се заразени, кои немаат никакви симптоми и се чувствуваат добро, можат и ја шират инфекцијата“.
Д-р Џа додаде дека луѓето треба да продолжат да ги следат препораките од здравствените власти и медицинските професионалци.
„Треба да продолжиме да носиме маски, социјално да се дистанцираме и да миеме раце“, рече тој.
„Ако СЗО има податоци, тие треба да ги споделат и да објаснат зошто тоа треба да се промени, но јас навистина не мислам дека ќе го сторат тоа. Очекувам дека ќе ги повлечат нивните коментари во текот на следните 24 часа“.
Токму тоа и го стори СЗО, кое набрзо објасни дека коментарите едноставно биле „недоразбирање“.
Д-р Марија Ван Керхов, која го даде првичниот коментар, рече дека тврдењето се засновало на две или три студии и дека не смета дека асимптоматскиот пренос е редок.
„Само одговарав на прашање, не кажував политика на СЗО или нешто слично“, додаде таа.
Ван Керхов рече дека студиите покажуваат дека околу 16 проценти од населението може да биде асимптоматско, но подоцна појасни дека другите модели сугерираат дека до 40 проценти од глобалното пренесување на инфекцијата може да биде резултат на асимптоматски луѓе. (Дејли мејл)
