Во бременоста може да дојде до разни компликации, а една од нив е и HELLP синдромот. Овој синдром влијае на крвта и на црниот дроб, а се јавува во третиот триместар од бременоста. Може да се појави и до седум дена по породувањето. Ако трудницата е во 34-тата недела од бременоста, гинекологот може да побара предвремено породување.
Што е HELLP синдром?
Зборот HELLP е акроним кој означува: хемолиза, покачени ензими на црниот дроб и низок број тромбоцити. Често се смета за вид на прееклампсија и има слични симптоми.
HELLP синдромот се јавува во подоцнежните фази од бременоста или набрзо по породувањето. Се појавува многу ретко, во 0,1 до 0,6 проценти од сите бремености. Важно е да се препознае навреме, да се дијагностицира и да се биде под контрола на гинеколог.
Ако симптомите се интензивни, а трудницата е во 34-тата недела од бременоста, по препорака на гинеколог веројатно ќе мора да оди на итно породување. На овој начин нема да дојде до дополнителни компликации за мајката и бебето
Симптоми на HELLP синдромот
Симптомите можат да бидат неспецифични и често се слични на други состојби кои се јавуваат во бременоста. Најчесто се јавува:
- болка која прободува во горниот десен дел на стомакот,
- мачнина и повраќање,
- главоболка,
- замор и исцрпеност,
- заматен вид,
- отекување,
- нагло дебелеење.
Симптомите можат да бидат посилни или послаби и важно е да му се спомнат на гинекологот. Ретко се јавуваат и крвавења од носот или напади (конвулзии).
Причини за HELLP синдромот
Не е позната точната причина за овој синдром. Постои можност до него да доаѓа поради абнормалности во постелката или ендотелна дисфункција. Овој синдром почесто го имаат жени кои веќе раѓале, жени кои веќе имале ваков синдром во претходните бремености, жени кои имаат прееклампсија или оние кои имаат проблеми со бубрезите, дијабетес или висок крвен притисок.
Исто така, постои поголем ризик за појава на HELLP синдром кај трудници постари од 35 години.
Како се дијагностицира HELLP синдромот?
Најчесто нема да биде доволен само описот на симптомите кај гинекологот, туку ќе се прават дополнителни испитувања. Така, трудницата ќе треба да направи комплетна крвна слика, тестови за функцијата на црниот дроб и бубрезите. Лекарот може да побара и ултразвук или КТ (компјутерска томографија) за да се види дали црниот дроб е зголемен и дали постои крвавење во него.
По породувањето, синдромот се повлекува во рок од неколку дена. По потреба, бебето или мајката можат да примаат дополнителна терапија како трансфузија на крв, лекови за притисок или кортикостероиди. Во некои случаи закрепнувањето може да потрае, додека кај некои жени можат да се јават долгорочни проблеми, како што се проблеми со срцето
Врз основа на наодите може да се види и сериозноста на состојбата, која се одредува според нивоа:
- Прво ниво – тешка состојба.
- Второ ниво – умерена состојба.
- Трето ниво – блага состојба.
Како се третира HELLP синдромот?
Ако симптомите се интензивни, а трудницата е во 34-тата недела од бременоста, по препорака на гинеколог веројатно ќе мора да оди на итно породување. На овој начин нема да дојде до дополнителни компликации за мајката и бебето.
По породувањето, синдромот се повлекува во рок од неколку дена. По потреба, бебето или мајката можат да примаат дополнителна терапија како трансфузија на крв, лекови за притисок или кортикостероиди. Во некои случаи закрепнувањето може да потрае, додека кај некои жени можат да се јават долгорочни проблеми, како што се проблеми со срцето.
Заклучок
HELLP синдромот е ретка компликација во бременоста која доаѓа со повеќе симптоми. Некогаш тешко се дијагностицира и затоа е важно да му се кажат сите промени на гинекологот. Се дијагностицира со помош на разни тестови, а најчесто се повлекува по породувањето.
