Девојчињата кои пред раѓањето биле изложени на хемиски соединенија присутни во сапунот, пастата за заби, шминката и останатите производи за лична хигиена, се поизложени на опасност од рано влегување во пубертетот, покажале резултатите од американско истражување објавено со списанието Human Reproduction.
Претходно спроведени на животни покажале дека бројните хемикалии може негативно да влијаат на хормоните, и се поврзуваат со рано влегување во пубертет.
Во најголем процент станува збор за фталати, кои најмногу ги има во мирисните материи, парфемите, сапуните и шампоните, потоа за парабените кои се користат како конзерванси во козметиката, потоа за парабени кои се користат како конзерванси во козметиката, како и за феноли, меѓу кои е и триклосанот – бактерицидно средство кое со години се користи во козметичката индустрија како конзерванс. Неговата основна функција е да се заштити производот, а не корисникот.
Повеќето од нив во медицината се познати под името „ендокрини дисруптори„. Тие со својот облик и структура наликуваат и ги имитираат природните хормони во телото и на тој начин ја пореметуваат функцијата на ендокринолошкиот систем.Загрижува што таквите соединенија се штетни и во мали количини, и дека потенцијалните проблеми не мора да се јават веднаш, ниту пак за две-три години, туку имаат кумулативен ефект, односно се таложеат во ткивата со години.
Во студијата на научниците од Калифорнија учествувале 338 деца, 179 девојчиња и 159 момчиња, чиј развој е следен од раѓање до адолесенција. Изложеноста на разни хемиски соединенија научниците ја следеле со помош на анализи на урината на мајките за време на бременоста, а потоа со анализа на урината на децата по навршени 9 години. Се покажало дека во повеќе од 90% од примероците од урина земени од децата е откриена присутност на хемиски соединенија кои може да влијаат на концентрацијата и делувањето на хормоните.
Најголемо влијание за раното влегување во пубертет кај девојчињата имало присуството на фталати, парабени и триклосан во урината на мајките за време на бременоста. Споменатите хемикалии немале позначајно влијание кај момчињата во пренеталниот период.
„Фактот дека во овој случај откривме поврзаност на раниот пубертет кај девојчињата е загрижувачки, но добра информација е дека, сега кога знаеме, може на минимум да ја намалиме изложеноста на хемиски соединенија„, вели главниот автор на студијата Ким Харли, директор на Центарот за истражување на влијанијата на околината на здравите деца при Универзитетот Беркли.
Д-р Харли повика на внимание при купување на таквите производи и потенцијалните купувачи ги предупредува вниамтелно да ги читаат декларациите.
